རྒྱ་ནག་དེ་བཞིན་འཛམ་གླིང་ཐོག་སྟོབས་ཆེན་གྱི་རྒྱལ་ཁབ་ཅིག་ཡིན།

སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་རྒྱ་ནག་དེ་བཞིན་འཛམ་གླིང་ཐོག་སྟོབས་ཆེན་གྱི་རྒྱལ་ཁབ་ཅིག་ཡིན་པ་གསུངས་འདུག
དེ་ཡང་ཕྱི་ཚེས་༢༧ཉིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་རྒྱ་གར་གྱི་Utter Pradeshམངའ་སྡེའི་གྲོང་ཁྱེར་Gaziabadརྟེན་གཞི་བྱས་པའི་DAV Schoolསློབ་གྲྭའི་འགན་འཛིན་ལྷན་ཚོགས་ཀྱིས་ཇི་ལྟར་གསོལ་འདེབས་ཞུས་དོན་ལྟར་དགེ་ལས་སློབ་ཕྲུག་གྲངས་༣༥༠༠བརྒལ་བར་འགྲོ་བ་མིའི་བཟང་པོའི་རིན་ཐང་གོང་འཕེལ་གཏོང་ཐབས་དང་འབྲེལ་བའི་སྐོར་ལམ་སྟོན་བཀའ་སློབ་བཀའ་དྲིན་ཆེ་གནང་མཛད་ཡོད་པ་རེད། ༧གོང་ས་མཆོག་གིས་སློབ་གྲའི་དགེ་ལས་སློབ་ཕྲུག་རྣམས་ལ་བཀའ་སློབ་གསུངས་བཤད་ཀྱི་ཞོར་དུ་གསར་འགོད་པའི་འདྲི་བར་བཀའ་ལན་མཛད་གནང་ཡོད་འདུག གསར་འགོད་པ་ཞིག་ནས་ རྒྱ་ནག་ཐོག་༧གོང་ས་མཆོག་གི་གཟིགས་ཕྱོགས་བཅར་འདྲི་ཞུས་པར་ ༧གོང་ས་སྐྱབས་མགོན་ཆེན་པོ་མཆོག་གིས་རྒྱ་ནག་དེ་བཞིན་ལོ་རྒྱུས་རིང་པོ་ཡོད་པ་དང་། རིག་གཞུང་ཕྱུག་པོ། ཧུར་བརྩོན་ཅན་གྱི་མི་རིགས་ཤིག་གི་ཆ་ནས་རླབས་ཆེན་གྱི་རྒྱལ་ཁབ་ཅིག་དང་འཛམ་གླིང་ཐོག་སྟོབས་ཆེན་གྱི་རྒྱལ་ཁབ་ཅིག་ཡིན་པར་བསྔགས་བརྗོད་ཞུ་གིན་ཡོད་ཅེས་དང༌། ཡང་རྒྱ་དཀར་ནག་གཉིས་ཀྱི་འབྲེལ་བའི་ཐོག་བཅར་འདྲི་ཞུས་པའི་བཀའ་ལན་དུ། ༧གོང་ས་མཆོག་གིས། རྒྱ་གར་དང་རྒྱ་ནག་གཉིས་འཛམ་གླིང་ཐོག་མི་འབོར་ཆེ་ཤོས་ཀྱི་རྒྱལ་ཁབ་དང་། ཁྱིམ་ཚེས་རྒྱལ་ཁབ་ཀྱང་ཡིན་སྟབས་ཕན་ཚུན་དབར་མཛའ་འབྲེལ་ཡག་པོ་དགོས་ཡས་དེ་བོད་ཀྱི་གནད་དོན་ཙམ་མ་ཟད། ཨེ་ཤེ་ཡ་སྤྱི་ཡོངས་ལ་གནད་འགག་ཆེན་པོ་ཆགས་ཡོད་ཀྱི་ཅེས་གསུངས་གནང་འདུག

གསར་འགོད་པ་དོན་གྲུབ་རྣམ་རྒྱལ།