༧གོང་ས་མཆོག་ཨའོསི་ཊརེ་ལི་ཡའི་གྲོང་ཁྱེར་Brisbaneདུ་ཕེབས་པ།
2015.06.11
༧གོང་ས་མཆོག་གིས་ཨའོསི་ཊརེ་ལི་ཡའི་མཛད་འཕྲིན་སྐྱོང་བཞིན་པ། ༢༠༡༥།༦།༡༡
སྐུ་སྒེར་དྲ་བ
ན་གཞོན་རྣམས་མི་ཡག་པོ་ཞིག་ཆགས་ཐུབ་པར་ཁོ་ཚོར་ཆུང་དུས་ནས་བྱམས་པ་དང་སྙིང་རྗེའི་ཐོག་ནས་གསོ་སྐྱོང་བྱེད་དགོས་པ་ཡིན།
དེ་ཡང་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས། འདི་ཚེས་༡༡ཉིན་ཨའོསི་ཊརེ་ལི་ཡའི་གྲོང་ཁྱེར་Brisbaneདུ་གསར་འགོད་པ་ཚོར་བཀའ་མོལ་གནང་བའི་སྐབས། སློབ་གྲ་ཁག་གི་ནང་བྱམས་པ་དང་སྙིང་རྗེ་སོགས་སེམས་ཡར་རྒྱས་གཏོང་རྒྱུའི་སློབ་སྦྱོང་སྤྲོད་དགོས་པ་གལ་གནད་ཆེན་པོར་གཟིགས་ཀྱི་ཡོད་པའི་དགོངས་ཚུལ་གསུངས་འདུག
དེ་ཡང་དེང་སྐབས་༧གོང་ས་ཆེན་པོ་མཆོག་ཨའོསི་ཊརེ་ལི་ཡའི་ནང་ཆིབས་བསྒྱུར་སྐྱོང་བཞིན་པ་ལྟར། འདི་ཚེས་༡༡ཉིན་ཡུལ་དེའི་གྲོང་ཁྱེར་Brisbaneདུ་དད་ལྡན་པ་བརྒྱ་ཕྲག་འགའ་ཤས་ལ་དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་དབུ་མ་རིན་ཆེན་ཕྲེང་བའི་གསུང་ཆོས་སྩལ་གནང་གྲུབ་པའི་རྗེས། གསར་འགོད་པར་བཀའ་མོལ་གནང་བའི་སྐབས། དེང་དུས་ཀྱི་སློབ་སྦྱོང་སྤྲོད་སྟངས་དེ་ཕྱི་དངོས་པོའི་ཡར་རྒྱས་གཅིག་པུར་དམིགས་ཀྱི་ཡོད་པ་དེར་ངོས་ཀྱི་སྐྱོན་ཆ་ཞིག་མཐོང་གི་འདུག ཕྱི་དངོས་པོའི་ཡར་རྒྱས་གཅིག་པུར་དམིགས་པ་དེ་ཡིས་ཁོང་ཁྲོ་དང༌། འཇིགས་སྣང་སོགས་མིའི་སེམས་ཀྱི་དཀའ་ངལ་རྣམས་སེལ་ཐུབ་ཀྱི་མེད། དེ་འདྲ་ཡིན་ཙང་། མིའི་སེམས་ཀྱི་དཀའ་ངལ་རྣམས་སེལ་ཐབས་ཡོང་བར་སློབ་གྲ་ཁག་གི་ནང་ཆུང་དུས་ནས་འཚར་ལོང་བྱེད་བཞིན་པའི་སློབ་ཕྲུག་ཚོར། བྱམས་པ་དང་སྙིང་རྗེ་བཅས་པའི་སྐོར་སློབ་སྟོན་བྱེད་དགོས་པ་གལ་ཆེན་པོ་མཐོང་གི་འདུག་པ་མ་ཟད། ཕྲུ་གུ་འཚར་ལོངས་བྱེད་སའི་ནང་མིའི་གནས་སྟངས་ཡང་ཞི་འཇམ་ཡོང་དགོས་པ་གལ་ཆེན་པོ་མཐོང་གི་འདུག ཕྲུ་གུ་ཚོར་ལྟོ་ཆས་ཡག་པོ་དང༌། སྟོབས་བསྐྱེད་སྨན་སྤྲད་པ་ཙམ་གྱིས་འགྲིག་ཐབས་མེད། ན་གཞོན་རྣམས་མི་ཡག་པོ་ཞིག་ཆགས་ཐུབ་པར་ཁོ་ཚོར་ཆུང་དུས་ནས་བྱམས་པ་དང་སྙིང་རྗེའི་ཐོག་ནས་གསོ་སྐྱོང་བྱེད་དགོས་པ་ཡིན་ཅེས་བཀའ་སྩལ་གནང་མཛད་འདུག
གསར་འགོད་པ་ངག་དབང་ཆོས་འཕེལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།