བོད་མི་ཚོས་བོད་རྒྱ་ཆེ་མི་མང་གི་ཚབ་བྱེད་ཐུབ་པ་གནང་དགོས།

༧གོང་ས་མཆོག་ཨའོསི་ཊརེ་ལི་ཡའི་གདོད་མའི་མི་རིགས་གནས་ཁུལ་ཨུ་ལུ་རུ་Uluruལ་ཕེབ་སཔ། ༢༠༡༥།༦།༡༣

༧གོང་ས་མཆོག་ཨའོསི་ཊརེ་ལི་ཡའི་གདོད་མའི་མི་རིགས་གནས་ཡུལ་ལ་ཕེབས་ནས་མི་མང་སྟོང་ཕྲག་བརྒལ་བར་བཀའ་སློབ་གནང་བ།
དེ་ཡང་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཨའོསི་ཊརེ་ལི་ཡའི་གདོད་མའི་མི་རིགས་གནས་ཁུལ་ཨུ་ལུ་རུ་(Uluru)ནས་Perth Arenaཕྱོགས་སུ་ཆིབས་བསྒྱུར་སྐབས་ས་གནས་མི་མང་དང་། དེ་བཞིན་བོད་མི་བཅས་མི་གྲངས་༤༠༠༠་ལྷག་གིས་༧གོང་ས་མཆོག་ལ་ཕེབས་བསུ་དང་། མཇལ་བཅར་བཀའ་སློབ་ཞུས་ཡོད་པ་དང་། དེ་ནས་༧གོང་ས་སྐྱབས་མགོན་ཆེན་པོ་མཆོག་གིས་མི་མང་འདུ་འཛོམས་སར་བཀའ་གནང་བར་། གཅེན་གཅུང་ཚོར་ངས་ག་དུས་ཡིན་ནའི་ཤོད་རྒྱུར། ང་རང་གང་ཟག་བྱེ་བྲག་ཕལ་པ་ཞིག་ཁྱེད་ཚོ་དང་འདྲ་བ་ཞིག་གི་ངོས་ནས་ཁྱེད་ཚོ་མཉམ་དུ་མཇལ་བར་དགའ་པོ་ཞེ་དྲག་བྱུང་བ་དང་ཆབས་ཅིག་ཁྱེད་ཚོར་ཞུ་རྒྱུར། འཛམ་གླིང་ནང་མི་མང་འཐེར་འབུམ་༧་ཙམ་ཡོད་པ་དེ་ཚང་མ་ང་ཪང་ཚོ་འགྲོ་བ་མིའི་རིགས་གཟུགས་དང་། རྣམ་པ་ཚོར་བ་སོགས་གཅིག་མཚུངས་ཤིག་ཡོད་དུས་རང་གཞན་གཉིས་ཀའི་བསམ་བློའི་ནང་གཞན་གྱི་བདེ་བར་གནོད་བསྐྱལ་ཐུབ་པའི་ནུས་པ་ཡོད་དུས་དེར་བསམ་ཞིབ་ཀྱི་སྒོ་ནས་ཕན་གནོད་བླངས་དོར་གྱི་བསམ་ཤེས་ཐུབ་ན་དེས་སྡུག་བསྔལ་མེད་པའི་བདེ་བར་གནས་ཐུབ་པའི་བློ་ཞིག་རང་གཞན་ཚང་མས་བྱེད་ཐུབ་པ་ཞིག་རེད།
ད་དུང་བློ་རྒྱ་ཆེ་ས་ཞིག་ནས་བསམ་བློ་བཏང་ཐུབ་ན་ནང་སེམས་ཀྱིས་གཞན་ཕན་གྱི་བློ་སྐྱེས་ཐུབ་པ་ཞིག་ཀྱང་བྱེད་ཐུབ། དེ་ལྟར་དཔེར་ན་དེ་སྔོན་འཛམ་གླིང་དམག་ཆེན་གཉིས་བའི་སྐབས་ཡོ་རོབ་ནང་དམག་འཁྲུག་གི་དཀའ་ངལ་ཇི་སྙེད་ཅིག་བྱུང་ཡོད་ཀྱང་དེང་སྐབས་གཞོན་སྐྱེས་ཚོར་དེ་ལྟར་མྱོང་མི་དགོས་པ་ཞིག་ཏུ་གྱུར་ཐུབ་ཡོད་པ་རེད། དེ་ལྟར་རང་གཞན་ཚང་མའི་བདེ་བའི་ཆེད་དུ་བློ་བཟང་པོ་ཞིག་སྐྱེས་ཐུབ་ན་ཚང་མར་བདེ་བ་ཐོབ་ཀྱི་ཡོད་པ་རེད།
གཞན་ཕན་གྱི་བློ་བཟང་པོ་དེ་ཁྲོམ་ནས་ཉོ་རྒྱུ་མེད་པ་དེ་རང་གི་རྒྱུས་སུ་སྐྱེས་དགོས་པ་ཞིག་ཡིན། ཆོས་ལུགས་འདྲ་མིན་ཡོད་མིན་ལ་མི་ལྟོས་པར་ནང་སེམས་ཀྱིས་རང་གཞན་ཚང་མར་བདེ་བ་ཞིག་བསྐྲུན་ཐུབ་ཀྱི་ཡོད་པ་དེ་ང་རང་ཚོ་ཚང་མས་བྱེད་ཐུབ་པའི་ནུས་པ་སོ་སོ་རང་ཉིད་དུ་ཡོད། དེ་ལྟར་ང་རྒྱལ་གྱི་བློ་མེད་པར་བཟོིད་སྒོམས་བྱས་ཏེ་དུས་རབས་༢༡་འདི་ཞི་བདེའི་དུས་རབས་ཤིག་ཏུ་གནས་ཐུབ་པར་བྱ་རྒྱུའི་ལས་འགན་འདི་ང་ཚོ་ཚང་མར་ཡོད་ཅེས་བཀའ་སློབ་སྩལ་འདུག
ཚེས་༡༥ནི་༧གོང་ས་མཆོག་གིས་ཨའོསི་ཊརེ་ལི་ཡའི་ད་ཐེངས་ཀྱི་མཛད་འཕྲིན་གྱི་ཉིན་མཐའ་མ་ཡིན་འདུག

གསར་འགོད་པ་ཕྲེང་རིང་བསྟན་ནོར།

གཞན་༧གོང་ས་མཆོག་གིས་དེ་ཁུལ་གྱི་བོད་མི་ཚོར་ཟུར་མཇལ་དང་མཉམ་བཀའ་སློབ་གནང་བའི་སྐོར་འདི་གའི་ཆེད་མངགས་གསར་འགོད་པ་ནོར་བུ་དགྲ་འདུལ་གྱིས་བཏང་བའི་གནས་ཚུལ་ལ་གསན་རོགས།