༧གོང་ས་མཆོག་གིས་རྒྱ་གར་གྱི་དགེ་ལས་སློབ་ཕྲུག་ཚོར་བཀའ་སློབ།
2015.11.11
༧གོང་ས་མཆོག་རྒྱ་གར་གྱི་གྲོང་ཁྱེར་Chennaནང་གི་བཟོ་རྩལ་རིག་གནས་ཀྱི་གཙུག་ལག་སློབ་གྲ་ཆེན་མོར་ཕེབས་སྐབས། ༢༠༡༥།༡༡།༡༠
Tenzin Choejor/OHHDL
གཞོན་སྐྱེས་ཚོ་ནི་དུས་རབས་༢༡་པའི་མི་རབས་ཡིན་སྟབས་དུས་རབས་འདི་བདེ་སྐྱིད་ལྡན་པ་བཟོ་རྒྱུར་ལས་འགན་ཡོད་པ་༧གོང་ས་མཆོག་གིས་གསུངས་བ།
དེ་ཡང་བོད་ཀྱི་དབུ་ཁྲིད་བླ་ན་མེད་པ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས། ཁེ་ས་ཕྱི་ཚེས་༡༠་ཉིན་རྒྱ་གར་གྱི་ལྷོ་ཕྱོགས་གྲོང་ཁྱེར་Chennaiནང་གི་བཟོ་རྩལ་རིག་གནས་ཀྱི་གཙུག་ལག་སློབ་གྲ་ཆེན་མོའི་དགེ་ལས་སློབ་ཕྲུག་དང་། མི་མང་༨༠༠༠ལྷག་ལ་བྱམས་དང་སྙིང་རྗེའི་སྐོར་བཀའ་སློབ་བཀྲིན་ཆེ་གནང་མཛད་འདུག ཐོག་མར་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་༧མགོན་པོ་གང་ཉིད་ནས་ཐུགས་འགན་གཙོ་བོ་གསུམ་བཞེས་ཀྱི་ཡོད་པའི་སྐོར་བཀའ་སྩལ་བ་དང་། འགྲོ་བ་མིའི་མི་རིགས་ཡོངས་རྫོགས་བདེ་བ་འདོད་པ་དང་སྡུག་བསྡལ་མི་འདོད་པ་གཅིག་མཚུངས་ཡིན་པ་དང་། དུས་རབས་ཉི་ཤུ་པའི་ནང་བཟོ་རྩལ་རིག་གནས་ཡར་རྒྱས་ཆེན་པོ་ཕྱིན་མིན་ལ་མ་ལྟོས་པར་དུས་རབས་དེའི་ནང་དམག་འཁྲུག་དང་གདོང་གཏུགས་མང་པོ་བྱུང་བའི་སྐོར་ནན་བརྗོད་མཛད་པ་དང་། རྒྱ་གར་གྱི་བཟོ་རྩལ་རིག་གནས་ཀྱི་གཙུག་ལག་སློབ་གྲ་ཆེན་མོའི་སློབ་ཕྲུག་གཞོན་སྐྱེས་ཚོ་ནི་དུས་རབས་༢༡་པའི་མི་རབས་ཡིན་སྟབས་དུས་རབས་འདི་བདེ་སྐྱིད་ལྡན་པའི་དུས་རབས་བཟོ་རྒྱུར་ལས་འགན་ཡོད་སྟབས། ཀུན་ཁྱབ་འགན་འཁུར་གྱི་བསམ་ཤེས་དང་ཆོད་སེམས་བརྟན་པོ་དགོས་པ་དེ་དག་ཡོད་ན་འཛམ་གླིང་འདིར་འགྱུར་བ་ཞིག་གཏོང་ཐུབ་ངེས་ཡིན་སྐོར་བཀའ་གནང་འདུག
ད་དུང་༧གོང་ས་མཆོག་གིས་རྒྱ་གར་ནང་ཆོས་ལུགས་འདྲ་མིན་ཡོངས་རྫོགས་ཞི་བདེ་མཉམ་གནས་ཡོད་པར་བསྔགས་བརྗོད་མཛད་པ་དང་དུས་མཚུངས་༧མགོན་པོ་གང་ཉིད་རྒྱ་གར་གྱི་གནའ་བོའི་ལྟ་གྲུབ་ཀྱི་བང་ཆེན་ཞིག་ཡིན་པ་མ་ཟད། འདས་པའི་ལོ་༥༠་ལྷག་རིང་རྒྱ་གར་གྱི་རྡ་ལི་དང་རྒྱ་གར་གྱི་བག་ལེབ་བཞེས་ནས་སྐུ་འཚོ་བཞུགས་དང་། སྐུ་ཚེའི་དུས་ཡུན་མང་བ་རྒྱ་གར་ནང་བསྐྱེལ་གནང་སྟབས་མགོན་པོ་གང་ཉིད་རྒྱ་གར་གྱི་བུ་ཞིག་ཡིན་པ་དགོངས་ཀྱི་ཡོད་ལ་ཡང་མགོན་པོ་གང་ཉིད་རྒྱ་གར་གཞུང་མང་གཉིས་ཀྱི་སྐུ་མགྲོན་དུས་ཡུན་རིང་ཤོས་དེ་ཡིན་ལུགས་ཀྱང་བཀའ་གནང་འདུག
༧གོང་ས་མཆོག་གིས་བོད་དེ་བཞིན་འཛམ་གླིང་གི་སྣེ་གསུམ་པ་ལྟ་བུར་ངོས་འཛིན་བྱེད་ཀྱི་ཡོད་པས། གལ་ཏེ་བོད་མཐོ་སྒང་གི་ཁོར་ཡུག་ཉམས་ཆགས་ཕྱིན་པ་ཡིན་ཚེ་དེ་ཡིས་བོད་མི་ཁོ་ན་མ་ཡིན་པར་རྒྱ་ནག་དང་རྒྱ་གར་གཙོས་པའི་ཁྱིམ་ཚེས་རྒྱལ་ཁབ་ཀྱི་མི་མང་འབོར་ས་ཡ་མང་པོར་ཤུགས་རྐྱེན་ངན་པ་ཐེབས་རྒྱུ་ཡིན་པས་བོད་ཀྱི་ཁོར་སྲུང་སྐྱོབ་བྱ་རྒྱུ་གལ་ཆེ་ཡིན་སྐོར་སོགས་བཀའ་སྩལ་གནང་མཛད་ཡོད་པ་རེད།
གསར་འགོད་པ་སེང་གེ་རི་བསོད་ནམས་ལྷ་མོ།
ཞིབ་ཕྲ་འདི་གའི་གསར་འགོད་པ་པདྨ་དངོས་གྲུབ་ལགས་ཀྱིས་གནས་ཚུལ་བཏང་བར་གསན་རོགས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག