བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་དྲུང་ཆེ་འཕོ་འགྱུར།

ཀླུ་ཁྲིད་ཚང་འཆི་མེད་ཚེ་དབྱངས་ལགས་ཆོས་རིག་ལས་ཁུངས་ཀྱི་དྲུང་ཆེར་བསྐོ་གཞག་བྱུང་ཡོད་པ་ལྟར། འདི་ཚེས་༣༠་རེས་གཟའ་ཟླ་བ་ཉིན་སྤྲོད་དཔང་ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས་དབུ་བཞུགས་ཐོག་ཆོས་རིག་ལས་ཁུངས་ཀྱི་དྲུང་ཆེ་གསར་རྙིང་དབར་རྩིས་སྤྲོད་རྩིས་ལེན་བྱས་ནས་ཚེས་༣༡་ཉིན་ནས་དངོས་སུ་ལས་ཁུར་ཞུ་ཡིན་འདུག
ཀླུ་ཁྲིད་ཚང་འཆི་མེད་ཚེ་དབྱངས་ལགས། ཕྱི་ལོ་༡༩༧༢་ཟླ་༨་ཚེས་༡་ཉིན་རྒྱ་གར་ཅོན་ཏ་རར་སྐྱེས་ཤིང་། ཕྱི་ལོ་༡༩༩༥་ལོར་པཎ་ཇབ་གཙུག་ལག་སློབ་གྲྭ་ནས་ཉེ་བའི་གཙུག་ལག་རབ་འབྱམས་པ་ཐོན་རྗེས་ཕྱི་ལོ་༢༠༠༠་ཟླ་༡་ཚེས་༢༤་ཉིན་ཤེས་རིག་ལས་ཁུངས་སུ་དྲུང་ལས་གནང་བ་དང་། དེ་ནས་བོད་མིའི་སྒྲིག་འཛུགས་ཀྱི་ལས་གནས་འདྲ་མིན་ཐོག་ལོ་མང་ཕྱག་ལས་གནང་རྗེས། ཕྱི་ལོ་༢༠༢༠་ཟླ་༨་པར་དྲུང་ཡིག་ཆེན་མོའི་གནས་རིམ་དུ་སྤར་ནས་ཕྱི་ལོ་༢༠༢༠་ཟླ་༩་ཚེས་༡་ཉིན་དྲིལ་བསྒྲགས་དྲུང་ཆེ་གནང་བ་བོད་མིའི་སྒྲིག་འཛུགས་ཀྱིས་གནས་ཚུལ་སྤེལ་འདུག

གསར་འགོད་པ། ཀླུ་འབུམ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།