སེར་བྱེས་གྲྭ་ཚང་དུ་ཏོག་དབྱིབས་ནད་ཡམས་འགོས་ཡོད་པའི་དགེ་འདུན་པ་༥༥་ཐོན་འདུག
སེར་བྱེས་གྲྭ་ཚང་གི་དགེ་འདུན་པ་རྒན་པ་ཚོར་ནད་ཡམས་འགོག་ཁབ་རྒྱབ་པའི་སྐབས། ༣།༡༥།༢༡
Sera Jey
རྒྱ་བལ་འབྲུག་གསུམ་གྱི་བཙན་བྱོལ་བོད་མིའི་སྤྱི་ཚོགས་ཁྲོད་ཏོག་དབྱིབས་ནད་ཡམས་ཀྱི་རྐྱེན་འདས་གྲོངས་སུ་ཕྱིན་པའི་གྲངས་འབོར་བརྒྱ་བརྒལ་ཡོད་པ་དང་སེར་བྱེས་གྲྭ་ཚང་དུ་ནད་པ་༥༥་ཐོན་འདུག
ཉེ་ལམ་ནས་རྒྱ་གར་རྒྱལ་ཡོངས་སུ་ཀོ་ཝིཌ་༡༩་ཏོག་དབྱིབས་ནད་ཡམས་ཁྱབ་གདལ་ཀྱི་ཚ་རླབས་གཉིས་པ་དེ་འཕྱུར་བཞིན་པའི་སྐབས་འདིར། རྒྱ་གར་ནང་གི་བཙན་བྱོལ་བོད་མིའི་སྤྱི་ཚོགས་ཁྲོད་དུ་ཡང་ནད་ཡམས་དེ་འགོས་ཁྱབ་ཤུགས་ཆེར་འགྲོ་བཞིན་ཡོད་པ་དང་། ཨེ་ཤེ་ཡ་རང་དབང་རླུང་འཕྲིན་ཁང་གིས་གནས་ཚུལ་ཤེས་རྟོགས་བྱུང་བ་ལྟར་ན། ད་ཆ་རྒྱ་གར་ལྷོ་ཕྱོགས་སུ་ཡོད་པའི་སེར་བྱེས་ཚ་བ་ཁམས་ཚན་གཙོས་སེར་བྱེས་གྲྭ་ཚང་ནང་ཀོ་ཝིཌ་༡༩་ཏོག་དབྱིབས་རིམས་ནད་འགོས་ཟིན་པའི་ནད་པ་མི་གྲངས་༥༥་ཙམ་ཐོན་ཡོད་པ་དང་། དེའི་ཁྲོད་ནས་ཁྲག་ཤེད་སོགས་ཀྱི་ན་ཚ་ཡོད་པའི་ནད་པ་གཅིག་ཏོག་དབྱིབས་འགོས་ནད་ཀྱི་རྐྱེན་བྱས་ནས་འདས་གྲོངས་སུ་གྱུར་འདུག
དེའི་སྐོར་ཞིབ་ཕྲའི་གནས་ཚུལ་སེར་བྱེས་ནད་ཡམས་སྔོན་འགོག་ཛ་དྲག་ཚོགས་ཆུང་དང་། དེ་བཞིན་དགོན་པའི་འབྲེལ་ཡོད་མི་སྣ་ཁག་བཞི་ཙམ་ལ་ཞལ་པར་བརྒྱུད་བཅར་འདྲི་བྱེད་ཐབས་བྱས་ཀྱང་དང་ལེན་གནང་མ་བྱུང་།
གཞན་སེར་སྨད་མཁན་རིན་པོ་ཆེ་ལགས་སུ་ཞལ་པར་བརྒྱུད་བཅར་འདྲི་ཞུས་སྐབས། ད་ལྟའི་ཆར་སེར་སྨད་གྲྭ་ཚང་ནང་ནད་ཡམས་འགོས་ཁྱབ་ཀྱི་དཀའ་ངལ་དེ་ཙམ་མེད། ཡིན་ན་ཡང་སྔོན་འགོག་ཆེད་གནས་སྐབས་སེ་ར་གླིང་སྤྱི་ཡོངས་འགྲོ་བསྐྱོད་བཀག་སྡོམ་འོག་ཡོད་པ་གསུང་བྱུང་།
དབུས་བོད་མིའི་སྒྲིག་འཛུགས་ཀྱི་ཏོག་དབྱིབས་ནད་ཡམས་ཛ་དྲག་ལས་དོན་ཚོགས་ཆུང་གི་གནས་ཚུལ་གཞིར་བཞག་ན། འདས་པའི་བདུན་ཕྲག་གཅིག་གི་ནང་རྒྱ་གར་དང་བལ་ཡུལ་དུ་བསྡོམས་བོད་མི་༦༣༦་ལ་ཏོག་དབྱིབས་ནད་ཡམས་འགོས་ཡོད་པ་དང་། མི་གྲངས་བཅོ་བརྒྱད་འདས་གྲོངས་སུ་གྱུར་ཡོད་ཅིང་། འདི་ཚེས་༢༡་བར་རྒྱ་བལ་འབྲུག་གསུམ་གྱི་བཙན་བྱོལ་བོད་མིའི་སྤྱི་ཚོགས་ནང་། བོད་མི་ཏོག་དབྱིབས་ནད་ཡམས་འགོས་ཁྱབ་བྱུང་བ་མི་གྲངས་༤༠༡༣་ཐོན་པ་དང་། བོད་མི་༡༠༡་རྐྱེན་འདས་སུ་གྱུར་ཟིན་པ། ད་ལྟ་ནད་མནར་༡༥༢༤་ཡོད་འདུག
དེ་བཞིན་རྒྱ་གར་གྱི་ཁྱིམ་མཚེས་རྒྱལ་ཁབ་བལ་ཡུལ་ནང་དུ་ཡང་གློ་བུར་ཀོ་ཝིཌ་༡༩་ཏོག་དབྱིབས་ནད་ཡམས་འགོས་ཁྱབ་ཀྱི་གྲངས་ཚད་ཤུགས་ཆེན་འཕར་བཞིན་པ་དང་། བལ་ཡུལ་ནང་གནས་སྡོད་བཙན་བྱོལ་བོད་མིའི་སྤྱི་ཚོགས་ཁྲོད་ཏོག་དབྱིབས་ནད་ཡམས་འགོས་བའི་ནད་པའི་གྲངས་འབོར་འཕར་ནས་དཀའ་ངལ་འཕྲད་བཞིན་པ་རེད།
རྒྱ་གར་ནང་ནད་ཡམས་འགོས་ཁྱབ་བྱུང་བ་ནས་ཕྱི་ཟླ་༥་བའི་ཚེས་༢༡་ཉིན་གྱི་དགོང་མོ་བར། རྒྱ་གར་རྒྱལ་ཡོངས་ནང་ཏོག་དབྱིབས་རིམས་ནད་ཕོག་པའི་ནད་པའི་གྲངས་འབོར་ས་ཡ་ཉི་ཤུ་རྩ་དྲུག་དང་གཉིས་འབུམ་དྲུག་ཁྲི་ལྷག་བརྒལ་ནས་དེའི་ཁྲོད་མི་གྲངས་འབུམ་གཉིས་དང་དགུ་ཁྲི་ལྔ་སྟོང་ལྷག་འདས་གྲོངས་སུ་ཕྱིན་ཡོད་འདུག
སྤྱི་ལོ་༢༠༡༩་ལོའི་ཕྱི་ཟླ་བཅུ་གཉིས་པའི་ནང་། ཀོ་ཝིཌ་༡༩་(Covid-19)ཏོག་དབྱིབས་ནད་ཡམས་དེ་ཐོག་མར་རྒྱ་ནག་གི་ཝུའུ་ཧན་གྲོང་ཁྱེར་ནས་མཆེད་པ་ནས་བཟུང་། འདི་ཚེས་༡༢་བར་འཛམ་གླིང་གི་རྒྱལ་ཁབ་དང་། ཡུལ་གྲུ་ཁག་༢༡༠་ལྷག་གི་ནང་ནད་ཡམས་དེ་ཁྱབ་གདལ་ཕྱིན་ནས། ད་བར་འཛམ་གླིང་ཁྱོན་ཡོངས་སུ་ཏོག་དབྱིབས་གསར་བའི་ནད་ཡམས་འགོས་ཡོད་པའི་ནད་པ་མི་གྲངས་ས་ཡ་བརྒྱ་དང་དྲུག་ཅུ་རེ་ལྔ་དང་འབུམ་དྲུག་བརྒལ་ཡོད་པའི་ཁྲོད། མི་གྲངས་ས་ཡ་གསུམ་དང་བཞི་འབུམ་གསུམ་ཁྲི་ལྷག་རྐྱེན་འདས་སུ་ཕྱིན་ཡོད་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག