གོ་ལའི་གནམ་གཤིས་འགྱུར་ལྡོག་གི་དཀའ་ངལ་གདོང་ལེན་ཆེད་མཐོ་རིམ་འགོ་ཁྲིད་ཀྱི་ལྷན་ཚོགས་གནང་།
གོ་ལའི་གནམ་གཤིས་འགྱུར་ལྡོག་གི་དཀའ་ངལ་གདོང་ལེན་ཆེད་ཨ་རིའི་སྲིད་འཛིན་གྱིས་སྣེ་ཁྲིད་པའི་མཐོ་རིམ་འགོ་ཁྲིད་ཀྱི་ལྷན་ཚོགས་སྐབས། ༤།༢༢།༢༡
AFP
གོ་ལའི་གནམ་གཤིས་འགྱུར་ལྡོག་དང་འབྱུང་ཁམས་ཀྱི་དཀའ་ངལ་ལ་གདོང་ལེན་ཆེད་རྒྱལ་སྤྱིའི་རྒྱལ་ཁབ་ཁག་དང་མཉམ་དུ་ཨ་མི་རི་ཀ་མཉམ་ཞུགས་དང་རྒྱབ་སྐྱོར་བྱེད་རྒྱུ་ཡིན་པ་ཨ་རིའི་སྲིད་འཛིན་གྱིས་གསུང་འདུག
ཨ་རིའི་སྲིད་འཛིན་འཇོ་སྦཡེཌན་ལགས་ཀྱིས་འཛམ་གླིང་གོ་ལའི་ཉིན་མོ་དང་བསྟུན་ནས། གོ་ལའི་གནམ་གཤིས་དང་ཁོར་ཡུག་གི་གནད་དོན་ཐད། རྒྱ་གར་དང་རྒྱ་ནག དེ་བཞིན་ཡོ་རོབ་ཡུལ་གྲུ་ཁག་གི་དབུ་ཁྲིད་དང་ཁོར་ཡུག་ལས་དོན་ཐད་ཀྱི་འགོ་ཁྲིད་༤༠ལྷག་གི་ཆེས་མཐོའི་ལྷན་ཚོགས་ཤིག་དྲ་ཐོག་ནས་ཉིན་གྲངས་གཉིས་རིང་ཚོགས་བཞིན་པ་དང་། འདི་ཚེས་༢༢རེས་གཟའ་ཕུར་བུ་ཉིན་ཨ་རིའི་སྲིད་འཛིན་གྱིས་ཆེས་མཐོའི་དབུ་ཁྲིད་རྣམ་པའི་ལྷན་ཚོགས་སར། གོ་ལའི་གནམ་གཤིས་འགྱུར་ལྡོག་དང་ཁོར་ཡུག མཁའ་རླུང་འབག་བཙོག་སོགས་ཀྱི་དཀའ་ངལ་གང་མྱུར་སེལ་ཆེད། ཨ་རིའི་ཕྱོགས་ནས་མ་དངུལ་སོགས་ཀྱི་རྒྱབ་སྐྱོར་གང་ཡོང་ཞུ་རྒྱུའི་དགོངས་ཚུལ་གསལ་བཏོན་གནང་ཡོད་པ་དང་། དེ་ནི་རྒྱལ་སྤྱིའི་དབུ་ཁྲིད་༤༠ཙམ་མཉམ་ཞུགས་གནང་ཡོད་པའི་ཆེས་མཐོའི་ལྷན་ཚོགས་དེའི་སར་ཨ་མི་རི་ཀའི་གཞུང་འཛིན་གསར་བའི་ངོས་ནས་གོ་ལའི་ཁོར་ཡུག་དང་འབྱུང་ཁམས་སྲུང་སྐྱོབ་ཀྱི་ལས་དོན་ཐད་མཉམ་ཞུགས་གནང་རྒྱུ་གསལ་བཏོན་བྱས་བ་ཡིན་པ་རེད།
ཨ་རིའི་སྲིད་འཛིན་གོང་མ་(Trump)གྱི་གཞུང་འཛིན་སྐབས་སུ། སྤྱི་ལོ་༢༠༡༥ལོར་ཧྥ་རན་སིའི་རྒྱལ་ས་པཱ་རི་སིར་བཞག་པའི་རྒྱལ་སྤྱིའི་ཁོར་ཡུག་སྲུང་སྐྱོབ་ཀྱི་ལས་འཆར་ནས་ཕྱིར་འཐེན་བྱས་ཡོད་པ་དང་། ད་ཆ་ཨ་རིའི་གཞུང་འཛིན་གསར་པའི་ངོས་ནས་སླར་ཡང་ཁོར་ཡུག་འབྱུང་ཁམས་སྲུང་སྐྱོབ་ཀྱི་ལས་དོན་ནང་མཉམ་ཞུགས་གནང་རྒྱུ་དང་། མ་ཟད་མ་འོངས་པར་སྤྱི་ལོ་༢༠༢༤ལོར་ཨ་མི་རི་ཀར་སྲིད་འཛིན་གསར་པ་ཞིག་སླེབས་ཀྱང་ད་ལྟའི་ཁོར་ཡུག་སྲུང་སྐྱོབ་ཀྱི་ལས་དོན་འཆར་གཞིར་འགྱུར་བ་གཏོང་མི་ཐུབ་པ་བཟོ་རྒྱུ་ཡིན་པ་སོགས་གསུངས་ཡོད་པ་རེད།
དེ་བཞིན་ཨ་མི་རི་ཀའི་ངོས་ནས་མ་འོངས་སྤྱི་ལོ་༢༠༥༠་ལོར་མཁའ་རླུང་འབག་བཙོག་མེད་པ་བཟོ་ཆེད་ཨ་རིའི་སྐྱེལ་འདྲེན་ལས་དོན་ཁོར་ཡུག་འབྱུང་ཁམས་དང་མཐུན་པའི་སྒོ་ནས་ལག་བསྟར་བྱ་རྒྱུ་སོགས་ཀྱི་འཆར་གཞི་གསལ་བཏོན་གནང་ཡོད་པ་རེད།
ད་དུང་ཨ་མི་རི་ཀའི་ཕྱོགས་ནས་བྷེ་ཛེལ་ཡུལ་གྱི་ཨ་མ་ཛོན་(Amazon)ཡི་ཆར་ཆུ་ཁོར་ཡུག་སྲུང་སྐྱོབ་ཀྱི་ཆེད་དུ་རྒྱལ་སྤྱིའི་ཐོག་ནས་ཨ་སྒོར་ཐེར་འབུམ་༢༠་ཐམ་པ་རོགས་སྐྱོར་གནང་རྒྱུའི་འབོད་སྐུལ་ཞུས་གནང་འདུག
རྩ་བའི་འཛམ་གླིང་ནང་མཁའ་རླུང་འབག་བཙོག་ཤུགས་ཆེ་ཤོས་བཟོ་མཁན་ནི་རྒྱ་ནག་དང་ཨ་མི་རི་ཀ་གཉིས་ཡིན་པ་བཤད་བཞིན་པ་དང་། དེ་བས་ཡུལ་གྲུ་གཉིས་ཀའི་ངོས་ནས་མ་འོངས་པར་མཁའ་རླུང་འབག་བཙོག་མེད་པ་བཟོ་རྒྱུའི་འཆར་གཞི་ཡོད་ལུགས་ཚོགས་ཐོག་གསལ་བཏོན་བྱས་ཡོད་པ་རེད་འདུག
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག