རྒྱ་ནག་གིས་ཐོབ་ཐང་དོན་གཉེར་བ་གསུམ་ལ་ཁྲིམས་ཐག་བཅད་པ།
2016.01.29
ཐོབ་ཐང་དོན་གཉེར་བ་ཡོད་ས་ཀོང་ཀྲོའུ་གྲོང་ཁྱེར་གྱི་སྨན་ཁང་མདུན་ཉེན་རྟོག་པས་ཁེངས་པ།
ས་གནས་མཁོ་གཏོང་བ།
དེ་ཡང་རྒྱ་ནག་ཀོང་ཏུང་ཞིང་ཆེན་ཀོང་ཀྲོའུ་གྲོང་ཁྱེར་འབྲིང་རིམ་ཁྲིམས་ཁང་ཞིག་གིས་གཟའ་པ་སངས་ཉིན་རང་ལོ་༤༤ཡིན་པའི་རྒྱ་ནག་གི་ཁྲིམས་རྩོད་པ་ཐང་ཅིང་ལིང་དང་། རང་ལོ་༣༡ཡིན་པ་རྒྱ་ནག་གཞུང་དང་ཆབ་སྲིད་ཀྱི་ལྟ་སྤྱོད་མི་མཐུན་མཁན་ཡོན་ཤིང་དིང་། རང་ལོ་༤༤ཡིན་པ་ཝང་ཆིང་ཡིང་གིས་རྒྱལ་ཁབ་ཀྱི་དབང་ཆ་མགོ་སྟིང་སློག་རྩིས་བྱས་པའི་ཉེས་བཙུགས་ཐོག་ནས་ཁྲིམས་རྩོད་པ་ཐང་ཅིང་ལིང་ལ་བཙོན་འཇུག་ལོ་ལྔ་དང་། ཡོན་ཤིང་དིང་། ཝང་ཆིང་ཡིང་གཉིས་ལ་བཙོན་འཇུག་ལོ་གསུམ་གྱི་ཁྲིམས་ཐག་བཅད་ཡོད་པའི་སྐོར་རྒྱལ་སྤྱིའི་ཉེས་ཡངས་ཚོགས་པ་དང་། འགྲོ་བ་མིའི་ཐོབ་ཐང་ལྟ་ཞིབ་ཚོགས་པས་གནས་ཚུལ་ཕྱིར་བསྒྲགས་བྱས་འདུག
གནད་དོན་དེའི་ཐོག་ཀོང་ཀྲོའུ་འབྲིང་རིམ་ཁྲིམས་ཁང་གིས། ཁྲིམས་ཐག་གི་ནང་དོན་ཁ་གསལ་ད་ལྟའི་ཆར་ཡོངས་བསྒྲགས་བྱས་མེད་པ་རེད། གོང་ཞུས་དམངས་གཙོ་དོན་གཉེར་ཅན་གསུམ་པོ་དེ་དག་ཉིས་སྟོང་བཅུ་བཞི་ལོའི་ཕྱི་ཟླ་ལྔ་པའི་ནང་། རྒྱ་ནག་ཉེན་རྟོག་པས་འཇུ་བཟུང་གིས་ད་བར་བཀག་ཉར་བྱས་ཡོད་པ་དང་། བཀག་ཉར་བྱས་པའི་རིང་ཉེན་རྟོག་པས་ཁོར་ཚོར་ཉེས་རྡུང་མནར་གཅོད་བཏང་ཡོད་པའི་སྐོར་རྒྱལ་སྤྱིའི་ཉེས་ཡངས་ཚོགས་པས་གསར་འགོད་གསལ་བསྒྲགས་སྤེལ་བའི་ནང་འཁོད་ཡོད་ཅིང་། རྒྱ་ནག་གི་ཁྲིམས་ཁང་ནས་དམངས་གཙོ་དོན་གཉེར་བ་གསུམ་པོར་རྒྱལ་ཁབ་མགོ་སྟིང་སློག་རྩིས་ཀྱི་ཉེས་བཙུགས་ཐོག་ནས་ཁྲིམས་ཐག་བཅད་དགོས་པའི་དཔང་རྟགས་བཏོན་ཡས་ཤིག་ནི་ཁོང་གསུམ་གྱིས་ཨ་རིའི་ཆབ་སྲིད་དང་། སྤྱི་ཚོགས་རིག་པ་བ་Gene Sharpཡིས་བྲིས་གནང་བའི་འཚེ་མེད་ཞི་བའི་ཐོག་ནས་མཉམ་ལས་མི་བྱ་རྒྱུ་ཞེས་པའི་དེབ་དཔར་ལོག་རྒྱབ་ནས་འགྲེམ་སྤེལ་བྱས་ལུགས་དང་།
དེབ་དེའི་ནང་། སྤྱི་ཚོགས་རིང་ལུགས་དང་གུང་ཁྲན་ཚོགས་པར་ངོ་རྒོལ་གྱི་ནང་དོན་འཁོད་ཡོད་ལུགས་ལུང་འདྲེན་བྱས་ཡོད་པ་རེད་། རྒྱ་ནག་ཁྲིམས་ཁང་གིས་རྒྱལ་ཁབ་མགོ་སྟིང་སློག་རྩིས་བྱས་པའི་ཉེས་བཙུགས་ཐོག་ནས་བཙོན་འཇུག་བྱས་པའི་དམངས་གཙོ་དོན་གཉེར་ཅན་གསུམ་པོ་ནི་རྒྱ་ནག་དེ་བཞིན་དམངས་གཙོའི་ལམ་དུ་བསྐྱོད་རྒྱུའི་འདོད་འཚུལ་མཚོན་པའི་ཉིས་སྟོང་བརྒྱད་ལོའི་རྩ་འཛིན་ཞེས་པའི་ཡིག་ཆའི་ཐོག་ས་རྟགས་འཁོད་མཁན་ཐོག་མའི་གྲས་ཤིག་ཡིན་པ་དང་། ཉེ་བའི་ལོ་ཤས་ནང་འགྲོ་བ་མིའི་ཐོབ་ཐང་གི་དོན་གཉེར་ལས་དོན་མི་ཉུང་བ་ཞིག་ནང་མཉམ་བཞུགས་གནང་མྱོང་ཡོད་པ་རེད།
རྒྱ་ནག་གཞུང་གིས་ན་ནིང་ལོ་སྟོད་ཙམ་ནས་བཟུང་། དམངས་གཙོ་དོན་གཉེར་ཅན་དང་། འགྲོ་བ་མིའི་ཐོབ་ཐང་དོན་གཉེར་བ་ཚོར་རྡུང་རྡེག་གཏོང་རྒྱུའི་ལས་དོན་སྤེལ་ཡོད་པ་དང་། དམིགས་བསལ་རྒྱ་ནག་ནང་ཡོད་པའི་ཁྲིམས་རྩོད་པ་ཚོར་དེ་བས་དམིགས་འབེན་བཙུགས་ནས་མི་མང་གི་ཐོབ་ཐང་རྩོད་ལེན་གྱི་ཁྲིམས་རྩོད་་བྱེད་མཁན་གྱི་ཁྲིམས་རྩོད་པ་མི་གྲངས་༡༦ཙམ་རྒྱལ་ཁབ་ཀྱི་བདེ་འཇགས་ལ་གནོད་འཚེ་གཏོང་གི་ཡོད་པའི་ཉེས་བཙུགས་ཐོག་ནས་བཙོན་འཇུག་བྱས་ཡོད་པ་དང་། ཁྲིམས་རྩོད་པ་༣༠༠ཙམ་ལ་དྲི་ཞིབ་དང་བཀག་ཉར་བྱས་ཡོད་པ་རེད།
གསར་འགོད་པ་འཆི་མེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག