བོད་ཀྱི་པུ་ཧྲང་རྫོང་དུ་ཚོང་དོན་ཁྲོམ་རྭ་གསར་རྒྱག་བྱེད་བཞིན་པ།

རྒྱ་ནག་གིས་བལ་ཡུལ་ནང་ཚོང་ལས་གོང་འཕེལ་གཏོང་རྒྱུའི་དམིཊ་ཡུལ་བཟུང་ནས་རྒྱ་གར་དང་བལ་ཡུལ་གྱི་ས་མཚམས་ཉེ་འཁྲིས་བོད་ཀྱི་ས་ཁུལ་པུ་ཧྲང་རྫོང་དུ། མ་གནས་ཨ་སྒོར་ས་ཡ་༣༠འི་ཚོང་དོན་ཁྲོམ་རྭ་གསར་རྒྱག་གི་ལས་གཞི་འགོ་ཚུགས་ཟིན་འདུག།
དེ་ཡང་ཉེ་ཆར་རྒྱ་གར་དང་བོད་གཉིས་ཀྱི་ས་མཚམས་དང་ཉེ་བའི་བོད་ཀྱི་པུ་ཧྲང་རྫོང་དུ་ཨར་ལས་རྩིག་རྨང་བཏིང་བའི་མཛད་སྒོ་དེ་ཚུགས་ཡོད་ཅིང། ཐང་དཀར་རྒྱལ་སྤྱིའི་ས་མཚམས་ཚོང་དོན་ཁྲོམ་རྭ་དེའི་རྒྱ་ཁྱོན་མི་ཊར་གྲུ་བཞི་མ་བདུན་ཁྲི་ཉིས་སྟོང་བཞི་བརྒྱ་གསུམ་(༧༢༤༠༣)ཡོད་པ་དང་། ཁྲོམ་རྭ་དེ་གསར་རྒྱག་ཐོག་མ་གནས་ཨ་སྒོར་ས་ཡ་༣༠གནས་རྒྱུ་ཡིན་ལུཊ་ས་གནས་གཞུང་གིས་བརྗོད་འདུག།
གོང་ཞུས་ཁྲོམ་རྭ་དེའི་ནང་། བཅའ་དངོས་ཚོང་ལས་ཁང་དང་། ཚོང་དོན་ལས་རིཊ་འདྲ་མིན་ བཟའ་ཁང་དང་། སྤྲོ་སྐྱིད་ཁང་། དེ་བཞིན་དོས་ཁང་སོཊ་སྒོ་འབྱེད་བྱ་རྒྱུ་ཡིན་པ་རེད།   
པུ་ཧྲང་ས་གནས་ཀྱི་ཚོང་དོན་འགག་སྒོ་དོ་དམ་ལས་ཁུངས་ཀྱིས་བཏོན་པའི་བསྡོམས་རྩིས་ལྟར་ན། སྔ་ལོ་༢༠༡༥ལོའི་ཕྱི་ཟླ་༡༡་བར་ཁུལ་དེའི་ཚོང་ལས་བྱེད་ཚད་རྒྱ་སྒོར་ས་ཡ་༥༤ལྷག་བྱུང་ཡོད་པ་དང་། པུ་ཧྲང་ས་གནས་ཀྱི་ཚོང་ལས་འགག་སྒོ་ཡོད་སར་ཕྱི་རྒྱལ་གྱི་ཚོང་པ་༥༥༧་གྱིས་ལས་ཁུངས་སྒོ་ཕྱེ་ཡོད་པ་རེད།
ཁ་སྔོན་བལ་ཡུལ་ནང་རྒྱ་གར་ཕྱོཊ་ནས་དངོས་གཟོག་འོར་འདྲེན་བཀག་འགོག་བྱས་པའི་སྐབས་སུ། རྒྱ་ནག་གིས་བོད་ཕྱོཊ་ཀྱི་ས་མཚམས་སྒོ་འབྱེད་བྱས་ནས་བལ་ཡུལ་ལ་རྡོ་སྣུམ་དང་། གཞན་ཡང་ཉེར་མཁོའི་དངོས་ཟོག་མཁོ་འདོན་བྱས་ཡོད་པ་མ་ཟད་།
ཉེ་ཆར་རང་བལ་ཡུལ་གྱི་སྲིད་བློན་ཀེ་པི་ཤར་མ་ཨོ་ལི་(K P Sharma Oli)རྒྱ་ནག་ལ་གཟིཊ་སྐོར་ཕེབས་པའི་སྐབས་བལ་བོད་ཀྱི་ས་མཚམས་བརྒྱུད་ཚོང་ལས་བྱ་རྒྱུའི་མཐུན་གྲོས་ཐོག་མིང་རྟགས་བཀོད་ཡོད་པ་རེད༎

གསར་འགོད་པ་ཀརྨ་རྒྱ་མཚོ།