དགོན་སྡེ་ཁག་གི་ནང་རྒྱ་མིའི་ལས་བྱེད་སྡོད་ས་རྒྱག་བཞིན་པ།

༄༅༎བོད་ནང་གི་དགོན་སྡེ་ཁག་གི་ནང་རྒྱ་མི་ལས་བྱེད་པ་སྡོད་སའི་ཁང་པ་མང་པོ་གསར་རྒྱག་བྱེད་བཞིན་ཡོད་འདུག
རྒྱ་ནག་གཞུང་གིས་བོད་ནང་གི་དགོན་སྡེ་དང་གྲོང་གསེབ་ཁག་ལ་། དགོན་པ་བཅའ་སྡོད་དང་གྲོང་གསེབ་སྡོད་ལས་དོན་རུ་ཁག་ཟེར་བ་བཏང་ནས་དམ་དྲག་བྱེད་བཞིན་ཡོད་པ་དང་། ད་དུང་ཉེན་རྟོག་མི་སྣ་ཆེད་འཛུགས་ཀྱིས་ཉིན་མཚན་མེད་པར་ལྟ་སྲུང་ནན་མོ་བྱེད་བཞིན་ཡོད་འདུག་ཅིང་། ཉེ་ཆར་  བོད་རང་སྐྱོང་ལྗོངས་ཁོངས་ཆབ་མདོ་རྫོང་ཁོངས་ཁམས་པ་སྒར་གྱི་དགོན་པའི་ལྕགས་རིའི་འགྲམ་དུ་  ལྕགས་དང་ཨར་འདམ་གྱིས་ཉེན་རྟོག་དམག་མིའི་སྡོད་ཁང་སྲ་བརྟན་ཅན་གྱི་ཁང་མིག་༡༠༠ ལྷག་བཙན་དབང་གིས་གསར་རྒྱག་བྱེད་བཞིན་ཡོད་པའི་གནས་ཚུལ་འདྲ་པར་དང་བཅས་ཕྱི་ཕྱོགས་སུ་འབྱོར་འདུག།