དབྱིན་ཇིའི་རྒྱལ་སྲས་དང་བཙུན་མོ་གཉིས་འབྲུག་ཡུལ་ལ་ཕེབས་རྒྱུ།

དེང་སྐབས་དབྱིན་ཇིའི་རྒྱལ་སྲས་William་དང་ཁོང་གི་བཙུན་མོ་Kateརྣམ་གཉིས་ཀྱིས་རྒྱ་གར་ནང་གཟིགས་སྐོར་གངན་བཞིན་པ་དང་། རྒྱ་གར་ནང་གི་གཟིགས་སྐོར་གྲུབ་པའི་རྗེས། ཉིན་གཉིས་རིང་འབྲུག་ཡུལ་དུ་གཟིགས་སྐོར་ཕེབས་ཀྱི་ཡོད་པ་དང་། ཐེངས་འདིའི་གཟིགས་སྐོར་དེ་བཞིན་Oxford་གཙུག་ལག་སློབ་གྲྭ་ཆེན་མོའི་དགེ་རྒན་ཟུར་པ་དང་། འབྲུག་ནང་གི་དབྱིན་ཇིའི་དང་བླངས་སྐུ་ཚབ་Michael Rutland་ལགས་ཀྱིས་གོ་བསྒྲིགས་གནང་བ་ཞིག་ཡིན་པ་རེད། འཛམ་གླིང་ནང་གི་མི་འབོར་མང་ཤོས་རྒྱ་གར་དང་རྒྱ་ནག་གི་དབར་ཆགས་པའི་རྒྱལ་ཁབ་ཆུང་ཆུང་འབྲུག་ཡུལ་ནང་། དབྱིན་ཇི་དང་རྒྱ་ནག་ཐེ་བའི་མཉམ་འབྲེལ་རྒྱལ་ཚོགས་ཀྱི་བདེ་སྲུང་ལྷན་ཁང་གི་གཏན་འཇགས་ཚོགས་མི་རྒྱལ་ཁབ་སུ་ཞིག་གི་ཀྱང་གཞུང་ཚབ་མེད་པ་རེད།
དབྱིན་ཇིའི་རྒྱལ་སྲས་William་དང་ཁོང་གི་བཙུན་མོ་Kate་རྣམ་གཉིས་ཀྱིས་འབྲུག་གི་རྒྱལ་པོ་དང་བཙུན་མོར་ཐེངས་དང་པོར་མཇལ་འཕྲད་གནང་རྒྱུ་ཡིན་པ་རེད། འབྲུག་རྒྱལ་པོ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་ནི་འབྲུག་རྒྱལ་ལྔ་པ་དེ་ཡིན་པ་དང་། ཁོང་གིས་འབྲུག་གི་རྩ་ཁྲིམས་ལ་འགྱུར་བ་བཏང་ནས་འབྲུག་ཡུལ་དེ་བཞིན་ད་སྐབས་མང་གཙོའི་ལམ་ལུགས་ཕྱོགས་སུ་འགྲོ་བཞིན་པ་རེད། དེ་བཞིན་དབྱིན་ཇིའི་རྒྱལ་སྲས་དང་ཁོང་གི་བཙུན་མོ་རྣམ་གཉིས་ཀྱིས་འབྲུག་ཡུལ་གྱི་ནང་པའི་དགོན་པ་སྟག་ཚང་ཞེས་པའི་ནང་དུའང་ཕེབས་རྒྱུ་ཡིན་འདུག  སྟག་ཚང་དགོན་ནི་མཐོ་ཚད་མི་ཊར་གསུམ་སྟོང་ཙམ་ཀྱི་ས་ལ་ཡོད་པའི་རི་ཁྲོད་དུ་ཆགས་ཡོད་པ་དང་། དགོན་པ་དེར་མོ་ཊའི་འགྲོ་ལམ་མེད་སྟབས་དབྱིན་ཇིའི་རྒྱལ་སྲས་དང་ཁོང་གི་བཙུན་མོ་རྣམ་གཉིས་གོམ་བགྲོས་སྐྱོན་ནས་ཕེབས་རྒྱུ་ཡིན་འདུག
ཕྱི་ལོ་༡༩༩༨་ལོར་དབྱིན་ཇིའི་རྒྱལ་སྲས་William་མཆོག་གི་ཡབ་Prince Charles་མཆོག་སྟག་ཚང་དགོན་པར་ཕེབས་སྐབས་གྱེན་དུ་ཆ་ཚང་འཛེགས་ཐུབ་མེད་པ་རེད།      

གསར་འགོད་པ་ཚེ་དབང་དངོས་གྲུབ།