པེ་ཅིང་གྲོང་ཁྱེར་གྱི་མཁའ་རླུང་ན་ནིང་ལས་སྡུག་ཏུ་ཕྱིན་པ།

༄༅༎པེ་ཅིང་གྲོང་ཁྱེར་གྱི་མཁའ་རླུང་ན་ནིང་ཨོ་ལིམ་པིག་རྩེད་འགྲན་སྤེལ་བའི་སྐབས་ལས་ཇེ་སྡུག་ཏུ་བསྐྱོད་ཡོད་པ་ཉམས་ཞིབ་པ་ཚོས་སྙན་ཐོ་འདོན་སྤེལ་བྱས་ཡོད་པ་རེད།

སྙན་ཐོ་དེ་བཞིན་ཕྱི་ཟླ་དྲུག་པའི་ཚེས་བཅུ་དགུ་ཉིན་འཁོར་ཡུག་དུས་དེབ་ཅེས་པའི་ཐོག་བཏོན་ཡོད་པ་དང་དུས་དེབ་དེ་ནི་རྒྱ་ནག་དང་ཨ་རིའི་རྒྱལ་ཁབ་ཚན་རིག་ཐེབས་རྩ་ཁང་ཞེས་པའི་མཐུན་མོང་གིས་རོགས་དངུལ་བཏང་ནས་སྤེལ་བ་ཞིག་ཡིན་པ་དང་སྙན་ཐོ་དའེི་ནང་པེ་ཅིང་ཨོ་ལིམ་པིག་རྩེད་འགྲན་རིང་གི་གནམ་གཤིས་ཐོག་བརྟག་དཔྱད་བྱས་པའི་སྐབས་མ་གཞི་རྒྱ་ནག་གཞུང་གིས་ཨོ་ལིམ་པིག་རྩེད་འགྲན་རིང་པེ་ཅིང་གྲོང་ཁྱེར་གྱི་མཁའ་རླུང་གཙང་སེལ་བཟོ་རྒྱུར་འབད་བརྩོན་མང་པོ་ཞིག་བྱས་ཡོད་ན་ཡང་དེའི་སྐབས་པེ་ཅིང་གྲོང་ཁྱེར་གྱི་མཁའ་རླུང་གི་གནས་སྟངས་དེ་དེའི་གོང་གི་ཨོ་ལིམ་པིག་རྩེད་འགྲན་ཚོགས་པའི་ཡུལ་གྲུ་ཁག་ལས་ཞི་པུས་སྡུག་པོ་ཡོད་པ་མ་ཟད་འཛམ་གླིང་འཕྲོད་བསྟེན་ལྷན་ཁང་གིས་མཁའ་རླུང་འབག་བཙོག་གི་བདེ་འཇགས་ཚད་བཀག་ལས་བརྒལ་གྱི་ཡོད་ཅིང་ཡིན་ནའི་པེ་ཅིང་ཨོ་ལིམ་པིག་རྩེད་འགྲན་གྱི་དུས་བཀག་ཟིན་པར་གཟའ་འཁོར་གཉིས་ནང་ཚུད་པེ་ཅིང་གྲོང་ཁྱེར་གྱི་མཁའ་རླུང་འབག་བཙོག་གི་གནས་སྟངས་དེ་བཟང་དུ་ཕྱིན་ཡོད་པ་དང་དེའི་ཐོག་འབྲེལ་ཡོད་ནས་བརྟག་དཔྱད་བྱས་པ་བརྒྱུད་ཤེས་རྟོགས་བྱུང་བར་དེ་གཙོ་བོ་ཨོ་ལིམ་པིག་རྩེད་འགྲན་གྱི་རིང་ཆར་པ་བར་མ་ཆད་པར་བབ་ཏེ་པེ་ཅིང་བྱང་ཕྱོགས་དང་ཤར་ཕྱོགས་ནས་ལྷག་པ་སྟུད་མར་བརྒྱབས་ནས་དེས་པེ་ཅིང་གྲོང་ཁྱེར་ནང་གི་མཁའ་རླུང་འབག་བཙོག་རྣམས་རེ་ཞིག་གཙང་སེལ་བཟོས་ནས་གྲོང་ཁྱེར་གྱི་མཁའ་རླུང་འབག་བཙོག་གི་གནས་སྟངས་ལ་བཟང་ཕྱོགས་ཀྱི་འགྱུར་བ་ཕྱིན་ཐུབ་པ་ཞིག་ཡིན་པ་འཁོད་ཡོད་པ་རེད། སྙན་ཐོ་དེའི་ནང་ད་དུང་འཁོད་པར་པེ་ཅིང་ཨོ་ལིམ་པིག་རྩེད་འགྲན་རིང་གོང་གི་རྒྱུ་མཚན་ཐོག་ནས་པེ་ཅིང་གྲོང་ཁྱེར་གྱི་མཁའ་རླུང་འབག་བཙོག་གི་གནས་སྟངས་ཕྲན་བུ་བཟང་དུ་ཕྱིན་ཡོད་ཀྱང་ཡིན་ནའི་ཡུལ་གྲུ་གཞན་དང་སྡུར་ན་ད་དུང་ཡང་མཁའ་རླུང་འབག་བཙོག་ཧ་ཅང་ཤུགས་ཆེན་པོ་ཡིན་སྟབས་ད་ལྟའི་ཆར་པེ་ཅིང་ཨོ་ལིམ་པིག་རྩེད་འགྲན་ནང་ཞུགས་མཁན་གྱི་རྩེད་འགྲན་པ་ཚོར་མཁའ་རླུང་འབག་བཙོག་གིས་རྐྱེན་པས་ནད་གཞི་ཕོག་པའི་གནས་ཚུལ་རིགས་བྱུང་ཡོད་མེད་ཁ་གསལ་ཤེས་རྟོགས་མེད་ལུགས་འཁོད་འདུག།