ཨཕ་ག་ནི་སི་ཐན་ནང་གྲོས་ཚོགས་ཀྱི་འོས་བསྡུ་ཕྱིར་འགྱངས་བྱས།

༄༅།།ཨཕ་ག་ནི་སི་ཐན་ནང་གྲོས་ཚོགས་ཀྱི་འོས་བསྡུ་འདི་ལོ་ཕྱི་ཟླ་ལྔ་པའི་ནང་རྒྱལ་ཁབ་ཀྱི་རྩ་ཁྲིམས་ཀྱི་འབྲུ་དོན་བཞིན་གནང་དགོས་ཀྱང་དགོས་དངུལ་དང་སྲུང་སྐྱོབ་སོགས་ཀྱི་དཀའ་ངལ་ལ་བརྟེན་ནས་ད་ཆ་འོས་བསྡུ་དུས་ཐོག་གནང་ཐུབ་ཀྱི་མེད་སྟབས་འོས་བསྡུ་འདི་ལོ་ཕྱི་ཟླ་དགུ་པའི་ཚེས་༡༨གནང་རྒྱུའི་གསལ་བསྒྲགས་གནང་འདུག གྲོས་ཚོགས་ཀྱི་འོས་བསྡུའི་དགོས་དངུལ་ཨ་རིའི་ཌོ་ལར་ས་ཡ་༡༢༠ཐམ་པ་ནས་ཌོ་ལར་ས་ཡ་༥༠ཐམ་པ་རྒྱལ་སྤྱིའི་རོགས་དངུལ་ནས་གནང་རྒྱུའི་ཞལ་བཞེས་གནང་ཡོད་ཀྱང་མཉམ་སྦྲེལ་རྒྱལ་ཚོགས་ཀྱིས་དགོས་བྱུང་དེ་རིགས་དུས་ཐོག་སྤྲོད་པ་བྱེད་པ་ལ་རྒྱལ་ཁབ་ནང་དུས་བསྟུན་ལེགས་བཙོས་རིགས་དགོས་པའི་ཆ་རྐྱེན་ལ་བརྟེན་ནས་དུས་ཐོག་གནང་མེད་པ་དང་དེའི་ཁར་རྒྱལ་ཁབ་ནང་སྲུང་སྐྱོབ་ཀྱི་དཀའ་ངལ་སོགས་དཀའ་ངལ་མང་པོ་ཡོད་པར་བརྟེན་གྲོས་ཚོགས་ཀྱི་འོས་བསྡུ་དུས་ཐོག་གནང་རྒྱུར་དཀའ་ངལ་ཡོད་ལུགས་རང་དབང་ཅན་གྱི་འོས་བསྡུ་ལྷན་ཁང་གི་འགན་འཛིན་ཕེ་ཛིལ་ཨེ་མརྡ་མ་ན་ལྦི་(Fazil Ahmad Manawi)ཡིས་གསལ་བཤད་གནང་འདུག༎