དམར་ཤོག་ཚོགས་པས་འོས་བསྡུ་དྲང་བདེན་མ་བྱུང་ཟེར།
2013.11.21
བལ་ཡུལ་གྱིས་རྒྱལ་ཡོངས་འོས་བསྡུ་ཆེན་མོ།
པར། ཨེ་ཤེ་ཡ་རང་དབང་རླུང་འཕྲིན། ཐུབ་བསྟན་སངས་རྒྱས།
བལ་ཡུལ་གྱི་རྒྱལ་ཡོངས་འོས་བསྡུའི་ནང་མའོ་དམར་ཤོག་ཚོགས་པར་ཕམ་ཉེས་བྱུང་བར་ཁོས་འོས་བསྡུ་དྲང་བདེན་བྱུང་མེད་པའི་སྐྱོན་འཛུགས་བྱེད་ཀྱི་ཡོད་འདུག
དེ་ཡང་བལ་ཡུལ་ནང་དེ་སྔ་རྒྱལ་པོས་སྐྱོང་བའི་གཞུང་འཛིན་ལམ་ལུགས་མེད་པ་གྱུར་བའི་རྗེས། ཕྱི་ལོ་ ༢༠༠༨ ལོར་ཡུལ་གྱི་རྩ་ཁྲིམས་གསར་པ་གཏན་འབེབ་བྱེད་མཁན་གྱི་གྲོས་ཚོགས་ཤིག་འོས་འདེམས་བྱས་ཡོད་ཀྱང༌། དེ་སྔའི་གྲོས་ཚོགས་དེ་ཡིས་དུས་ཡུན་སྤྲད་པའི་ནང་ཚུད་རྩ་ཁྲིམས་གཏན་འབེབས་བྱེད་མ་ཐུབ་པར་རང་བཞིན་གྱི་རྩ་འགྲོལ་གཏོང་དགོས་བྱུང་བར་སོང༌། རྩ་ཁྲིམས་གཏན་འབེབས་བྱེད་མཁན་གྱི་གྲོས་ཚོགས་གསར་པ་ཞིག་འོས་འདེམས་བྱ་ཆེད་འདི་ཚེས་ ༡༩ ཉིན་བསྐྱར་དུ་འོས་བསྡུ་བྱས་ཏེ། ད་བར་འོས་ཤོག་གྲངས་བཤེར་བྱས་ཟིན་པའི་ནང་ ཀོང་རེས་ཚོགས་པར་འོས་ཤོག་མང་ཤོས་དང༌། དེ་རྗེས་བལ་ཡུལ་མ་ཁེ་སི་ལེ་ཉིན་དམར་ཤོག་ཚོགས་པར་འཐོབ་རྒྱུའི་རྟགས་མཚན་གསལ་པོ་ཐོན་བཞིན་ཡོད་པ་མ་ཟད། བལ་ཡུལ་རྒྱལ་ས་ཀཐ་མན་གྲུའི་མངའ་ཁུལ་གྱི་འོས་བསྡུའི་འགྲན་རྩོད་ནང་ཞུགས་མཁན་འོས་མིའི་ཁོངས་ནས་ མའོ་རྗེས་འབྲངས་ཀྱི་དམར་ཤོག་ཚོགས་པའི་འགོ་འཁྲིད་ Prachanda ལ་འོས་ཤོག་ཉུང་ཤོས་ཐོབ་ཏེ། ཁོ་པ་ངོ་ཚ་ཁ་སྐྱེངས་བྱུང་བར་བརྟེན། ད་ཆ་ Prachanda ཡིས། འོས་བསྡུ་དྲང་བདེན་བྱུང་མེད་པའི་སྐྱོན་འཛུགས་དང་འབྲེལ་འོས་ཤོག་གྲངས་བཤེར་བྱ་རྒྱུ་མཚམས་འཇོགས་ཀྱིས་འོས་བསྡུའི་ལས་དོན་ཐོག་མཐའ་བར་གསུམ་དྲང་པོ་བྱུང་ཡོད་མེད་ཐད་བསྐྱར་ཞིབ་བྱེད་དགོས་སྐོར་ཤོད་ཀྱི་ཡོད་འདུག བལ་ཡུལ་གྱི་གྲོས་ཚོགས་ནང་ཁྱོན་བསྡོམས་འཐུས་མིའི་གདན་གྲངས་དྲུག་བརྒྱ་བཅུ་མེད་གཅིག་ཡོད་པའི་ཁོངས་ནས། ཐེངས་འདིར་མང་ཚོགས་ཀྱིས་འཕང་པའི་འོས་ཤོག་གྲངས་བཤེར་བྱས་ཟིན་པའི་ནང༌། ཀོངྒ་རེས་ཚོགས་པར་འོས་གྲངས་མང་ཤོས་དང༌། ཨང་གཉིས་པར་བལ་ཡུལ་ མ་ཁེ་སི་ལེ་ཉིན་དམར་ཤོག་ཚོགས་པར་ཐོབ་བཞིན་ཡོད་པའི་གནས་ཚུལ་ཐོན་འདུག
གསར་འགོད་པ་ངག་དབང་ཆོས་འཕེལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག