བཙན་བྱོལ་བོད་མིའི་དམངས་གཙོ་དུས་དྲན་ཐེངས་༥༧པ་སྲུང་བརྩི་ཞུས་ཡོད་པ།

༄༅། །དེ་རིང་ཕྱི་ཟླ་༩པའི་ཚེས་༢ཉིན་བཞུགས་སྒར་རྡ་རམ་ས་ལ་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་རྭ་བའི་ནང་བཙན་བྱོལ་བོད་མིའི་དམངས་གཙོའི་ལམ་ལུགས་དབུ་བརྙེས་ནས་ལོ་ངོ་༥༧འཁོར་བའི་དུས་དྲན་གྱི་མཛད་སྒོའི་ཐོག་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། སྐུ་མགྲོན་གཙོ་བོ་ཧེ་མ་ཅལ་མངའ་སྡེའི་འཕྲོད་བསྟེན་བློན་ཆེན་སྐུ་ཞབས་Kaul singh Thakur མཆོག་དང་།  དམིགས་བསལ་སྐུ་མགྲོན་དུ་སི་ཝི་ཊན་ལྗང་གུ་ཚོགས་པའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་སྐུ་ཞབས་ Carl Schlyter  དེ་བཞིན་བོད་མི་མང་སྤྱི་འཐུས་རྣམ་པ་དང་། རང་དབང་ཅན་གྱི་སྡེ་ཚན་ཁག་གི་འགན་འཛིན་མི་མང་དང་སློབ་ཕྲུག་སོགས་ཁྱོན་མི་མང་སྟོང་ཕྲག་བརྒལ་བ་ལྷན་འཛོམས་གནང་ཡོད་པ་དང་།   སྲིད་ཚབ་མཆོག་གིས་བཀའ་ཤག་དང་བོད་མི་མང་སྤྱི་འཐུས་ཚོགས་གཞོན་མཆོག་གིས་བོད་མི་མང་སྤྱི་འཐུས་ལྷན་ཚོགས་ཀྱི་ཚབ་ཞུས་ནས་མཛད་སྒོའི་ཐོག་གསུང་བཤད་གནང་ཡོད་པ་རེད།   སྤྱི་ནོར་༸གོང་ས་༧སྐྱབས་མགོན་ཆེན་པོ་མཆོག་གིས་མང་གཙོའི་ལམ་བཟང་གསོལ་བསྩལ་གནང་བའི་བཀའ་དྲིན་རྗེས་དྲན་དང། མང་གཙོའི་དུས་ཆེན་ཁྱད་པར་ཅན་ཉིན་རྟེན་འབྲེལ་མཚོན་སླད། མཛད་སྒོའི་སྐབས་བོད་ཀྱི་ཟློས་གར་ཚོགས་པ་དང། མེས་དབོན་གཙུག་ལག་དཔེ་སྟོན་སློབ་གྲྭ། རྡ་ཤོད་བོད་ཁྱིམ། ཡོངས་གླིང་སློབ་གྲྭ། བོད་ཁྱིམ་ཉིན་སློབ། རྡ་སྟེང་བོད་ཁྱིམ་བཅས་ནས་གཞས་སྣ་ཁག་གཅིག་འཁྲབ་སྟོན་གནང་སྟེ་མཛད་སྒོ་གྲོལ་ཡོད་འདུག། གནས་ཚུལ་ཞིབ་ཕྲ་ས་གནས་ནས་འདི་གའི་གསར་འགོད་པ་རྣམ་པས་བཏང་བར་གསན་རོགས་ཞུ༎

གསར་འགོད་པ་འཆི་མེད།