དཔའ་བོའི་ཆེད་མཆོད་སྨོན།

༄༅། །ཕྱི་ལོ་ ༢༠༡༡ ཟླ་ ༤ ཚེས་ ༢༦ རེས་གཟའ་མིག་དམར་གྱི་ཉིན་བཞུགས་སྒར་རྡ་རམ་སའི་ཐེག་ཆེན་གཙུག་ལག་ཁང་དུ་བོད་མདོ་སྨད་རྔ་པ་ཁུལ་གྱི་མི་མང་སྤྱི་དང་བཞུགས་སྒར་ཁུལ་གྱི་ཚོགས་སྐྱིད་སྡུག་ཁག་ཐུན་མོང་ནས་ཞི་རྒོལ་ཆེན་མོ་བྱུང་ནས་ལོ་གསུམ་འཁོར་བའི་དུས་དྲན་དང་། མདོ་སྨད་རྔ་པ་ཀིརྟིའི་དགོན་གྱི་རྒྱལ་གཅེས་དཔའ་བོ་གྲྭ་ཕུན་ཚོགས་ལགས་གཙོས་བོད་བསྟན་པ་ཆབ་སྲིད་ཀྱི་དོན་དུ་སྐུ་གཤེགས་པའི་རྒྱལ་གཅེས་དཔའ་བོ་དཔའ་མོ་ཡོངས་དང་། ད་ལྟ་བཙན་འོག་ཏུ་མནར་གཅོད་མྱོང་བཞིན་ཡོད་པ་རྣམས་ཀྱི་ཆེད་མཆོད་འབུལ་སྨོན་ལམ་རྒྱ་ཆེ་ཞིག་ཚོགས་ཡོད་པ་དང༌།ཀིརྟི་བྱེས་པ་གྲྭ་ཚང་དང་རྡོ་རྗེ་གླིང་གི་ཀིརྟི་དགོན་པའི་དགེ་འདུན་པ་ཁག་ཅིག་ནས་རྡ་རམ་ས་ལ་ནས་ལྡི་ལིའི་བར་ཞི་བའི་གོམ་བགྲོད་ཀྱི་ལས་འགུལ་དབུ་འཛུགས་གནང་བའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་དོན་གྲུབ་རྡོ་རྗེ་ལགས་ཀྱིས་གནས་ཚུལ་ཕྱོགས་བསྒྲིགས་ཞུས་པར་གསན་རོགས༎