རྒྱ་གར་དང་བལ་ཡུལ་བོད་ནང་ས་ཡོམ་བརྒྱབ་པ།

རྒྱ་གར་བྱང་ཤར་ཁུལ་ནས་བོད་བར་ས་ཡོམ་བརྒྱབ་ཡོད་པའི་གནས་ཚུལ་ཐོན་བཞིན་འདུག

2011.09.18
རྒྱ་གར་བྱང་ཤར་ཁུལ་ནས་བོད་བར་ས་ཡོམ་བརྒྱབ་ཡོད་པའི་གནས་ཚུལ་ཐོན་བཞིན་འདུག
ཨེ་ཨེཕ་པི།

༄༅༎དེ་རིང་རེས་གཟའ་ཉི་མའི་ཉིན་རྒྱ་གར་བྱང་ཤར་འབྲས་ལྗོངས་ཁུལ་དུ་ས་ཡོམ་ཤུགས་ཚད་དྲུག་ཚགས་བརྒྱད་ཙམ་ཞིག་རྒྱབ་ཡོད་པ་དང་ས་ཡོམ་དེའི་ཤུགས་རྐྱེན་གྱིས་ཉེ་འཁོར་གྲོང་ཁྱེར་ཁག་ཅིག་ནང་དུའང་འགུལ་ཚད་ཐེབས་ཡོད་པ་རེད་བཞག
དེ་ཡང་འབྲས་ལྗོངས་མངའ་སྡེའི་སྤྱི་ཁྱབ་དྲུང་ཆེ་ཀརྨ་རྒྱ་མཚོ་ལགས་སུ་CNN དང་ IBN བརྙན་འཕྲིན་བརྒྱུད་ལམ་ཁག་ནས་ས་ཡོམ་དང་འབྲེལ་བའི་སྐོར་གནས་ཚུལ་བཅའ་འདྲི་བྱས་པའི་སྐབས་ཁོང་གིས་ད་ལྟའི་ཆར་ས་ཡོམ་དེའི་དོན་རྐྱེན་འོག་ཕྲུ་གུ་གཅིག་རྐྱེན་འདས་སུ་འགྱུར་བའི་གནས་ཚུལ་ཤེས་རྟོགས་བྱུང་བ་ལས། དེ་མིན་སྐབས་འཕྲལ་དམིགས་བསལ་གྱི་གནས་ཚུལ་གང་ཡང་ཤེས་རྟོགས་མེད་ཅེས་ལན་འདེབས་གནང་འདུག  དེ་མིན་སྒང་ཏོག་གྲོང་ཁྱེར་ནང་གནས་པའི་ཡུལ་མི་ཚོས་གསུངས་ཡག་ལ་ས་ཡོམ་དེའི་དོན་རྐྱེན་འོག་ཁང་པ་མང་པོ་ཞིག་ལ་སེར་ཁ་བརྒས་བ་དང་།  ས་ཡོམ་བརྒྱབ་མ་ཐག་གློག་ཆད་ནས་གྲོང་ཁྱེར་ཆ་ཚང་ནག་ཁུངས་སུ་གྱུར་ནས་མི་མང་མང་པོ་ཞིག་ཁང་པའི་ཕྱི་ལ་དོན་པ་དང་། འགའ་རེ་དངངས་སྐྲག་ངང་ཁང་པའི་སྒེའུ་ཁུངས་ནས་ཕྱི་ལ་ཆོམ་ཡོང་བ་སོགས་ཀྱི་གནས་སྟངས་སུ་གྱུར་ཡོད་ལུགས་འགྲེལ་བརྗོད་གནང་འདུག  ཡང་ཨ་མེ་རི་ཀའི་ས་གཞི་ཞིབ་འཇུག་ཚན་པས་བརྗོད་པར་གཞིགས་ན།  སྒང་ཏོག་གྲོང་ཁྱེར་ནས་ནུབ་བྱང་ངོས་ལ་ཀེ་ལོར་མེ་ཀྲར་༦༠་ཙམ་གྱི་ས་གནས་སུ་དེ་རིང་ཕྱི་དྲོ་ཚོུད་དྲུག་དང་སྐར་མ་བཅུ་ཙམ་ལ་ས་ཡོམ་འགུལ་ཚད་དྲུག་ཚགས་བརྒྱད་ཙམ་རྒྱབ་ཡོད་པ་དང་ ས་ཡོམ་བརྒྱབ་མ་ཐག་ཁ་པར་གྱི་འབྲེལ་བ་ཆད་ནས་ད་ཆ་ས་ཁུལ་དེའི་ནང་ཁ་པར་གྱི་འབྲེལ་ལམ་སོགས་གནང་རྒྱུར་སྐུ་ངལ་ཡོད་ལུགས་བརྗོད་འདུག   དེ་བཞིན་ས་ཡོམ་དེའི་ཤུགས་རྐྱེན་གྱིས་ཉེ་འཁོར་རྒྱ་གར་གྱི་གྲོང་ཁྱེར་Kolkata དང་ Lucknow  Patna  Guwahti སོགས་ནང་དུའང་འགུལ་ཚད་བྱུང་ཡོད་པ་རེད།  དེ་ག་ནང་བཞིན་བལ་ཡུལ་གྱི་རྒྱལ་ས་ཀ་ཐ་མན་གྲུའི་ནང་དུའང་ས་ཡོམ་གྱི་འགུལ་ཚད་ཐེབས་ཡོད་འདུག   དེ་བཞིན་བོད་ཀྱི་རྒྱལ་ས་ལྷ་ས་དང་། གཞིས་རྩེ།  ལྷོ་ཁ། གྲོ་མོ་བཅས་པའི་ནང་དུའང་ས་ཡོམ་གྱི་འགུལ་ཚད་ཕྲན་བུ་བྱུང་ཡོད་པ་རེད༎

བལྟ་བཤེར་མང་ཤོས་བྱས་པའི་གནས་ཚུལ།
RFA
བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎