ཨོ་སྦཱ་མས་བོད་རྒྱ་ནག་གི་ཆ་ཤས་ཡིན་སྐོར་གསུངས།

༄༅༎ཐེངས་འདིའི་ཨ་རིའི་ཕྱི་སྲིད་ལ་བལྟ་ཞིབ་ཅེས་པའི་ལེ་ཚན་གྱི་ནང་དུ་ཨ་མེ་རི་ཀའི་སྲིད་འཛིན་ཨོ་སྦཱ་མ་མཆོག་གིས་རྒྱ་ནག་གི་ཤུགས་གནོན་འོག་བོད་རྒྱ་ནག་མི་དམངས་སྤྱི་མཐུན་གྱི་ཆ་ཤས་ཡིན་པར་ངོས་འཛིན་གནང་བ་དང་སྦྲགས་བོད་རྒྱའི་དཀའ་རྙོག་སེལ་བའི་ཆེད་དུ་རྒྱ་ནག་གཞུང་གིས་༸གོང་ས་མཆོག་གི་སྐུ་ཚབ་རྣམས་དང་ཞི་མོལ་བསྐྱར་གསོ་གནང་དགོས་པའི་སྐུལ་དེད་གནང་བའི་གནད་འགག་དང༌།སྲིད་འཛིན་ཨོ་སྦཱ་མ་མཆོག་གིས་རྒྱ་གར་གྱི་སྲིད་བློན་མན་མོ་ཧན་སིངྷ་མཆོག་ལ་གཞུང་འབྲེལ་གྱི་སྣེ་ལེན་ཐོག་མ་དེ་གནང་བའི་སྐོར་བཀའ་བློན་ཁྲི་ཟུར་བཀྲས་མཐོང་བསྟན་རྣམ་རྒྱལ་མཆོག་དང་ལས་རིམ་གཙོ་སྐྱོང་བ་ཀརྨ་རྒྱ་མཚོ་ལགས་དབར་གླེང་མོལ་གནང་བར་གསན་རོགས༎