བལ་ཡུལ་བོད་མིའི་སྤྱི་ཁྱབ་འབྲེལ་མཐུད་པ་འཛིན་བཟུང༌།

གསར་འགྱུར་ལ་གསན་རོགས།

༄༅༎ཕྱི་ལོ་ཉིས་སྟོང་བཅུ་གཅིག་ཟླ་བརྒྱད་པའི་ཚེས་ལྔའི་ཉིན། བལ་ཡུལ་གྱི་རྒྱལ་ས་ཀཊ་མན་ཌའི་ནང་ཡོད་པའི་ཧོ་ཊེལ་ཨེམ་སྦེ་སེ་ཌར་ཞེས་པའི་མགྲོན་ཁང་དུ། བལ་ཡུལ་བོད་མིའི་སྤྱི་ཁྱབ་འབྲེལ་མཐུད་ལས་ཁུངས་ནས་གསར་འགོད་ལྷན་ཚོགས་ཤིག་སྐོང་ཚོགས་གནང་སྟེ། བལ་ཡུལ་ནང་གི་བོད་མི་སྐྱབས་བཅོལ་བའི་གནད་དོན་ཁག་ཅིག་གསལ་བཤད་གནང་བའི་རྗེས། བལ་ཡུལ་ཉེན་རྟོག་པས་བལ་ཡུལ་བོད་མིའི་དངས་བླངས་སྤྱི་ཁྱབ་འབྲེལ་མཐུད་པ་འཕྲིན་ལས་བླ་མ་དང༌། ཁོང་གི་ལས་དྲུང་བྱམས་པ་དོན་གྲུབ་རྣམ་གཉིས་ལས་ཁུངས་ནས་ཁྲིད་དེ་འདྲི་ཞིབ་ཆེད་བཀག་ཉར་བྱས་ཡོད་པའི་སྐོར། འདི་གའི་གསར་འགོད་པ་སྒྲོལ་མ་ལགས་ཀྱིས་ས་གནས་ས་ཐོག་ནས་བཏང་འབྱོར་བྱུང་བའི་གནས་ཚུལ་ཞིག་ལ་གསན་རོགས་ཞུ༎