ສະຫະຣັຖຊ່ວຍ ອະນຸຮັກສັດປ່າ

ຍານາງ Karen Steward ເອກອັຄຣາຊທູດ ສະຫະຣັຖ ປະຈຳລາວ ໄດ້ຮ່ວມເປິດ ພິທີເປີດ ສະຖານີ ປົກປັກຮັກສາ ປ່າໄມ້ແລະສັດປ່າ ໃນເຂດນ້ຳແອດ-ພູເລີຍ ປ່າສງວນ ແຫ່ງຊາດ ທີ່ແຂວງຫົວພັນ ໃນວັນທີ 28 ມີນາຜ່ານມາ.

ໃນພິທີ ຮ່ວມດ້ວຍເຈົ້າແຂວງໆ ຫົວພັນ ທ່ານ ຄຳຫຸ່ງ ເລືອງວົງສີ ຫົວຫນ້າຫ້ອງການ ກິຈການຢູໂຣບ ແລະ ອະເມຣິກາເຫນືອ ກະຊວງຕ່າງປະເທດ ສປປລາວ ທ່ານ ພົມມາ ຄຳມະນີຈັນ ພ້ອມທັງຫົວຫນ້າບ້ານ ໃນເຂດ 20 ຫມູ່ບ້ານ ທີ່ບັນຈຸຢູ່ໃນເຂດ ປົກປັກຮັກສາສັດປ່າ ນ້ຳແອດ-ພູເລີຍ ພິທີດັ່ງກ່າວ ໄດ້ຈັດຂື້ນທີ່ ໂຮງຮຽນປະຖົມ       ສົມບູນເກສອນ ໃກ້ກັບສະຖານີ ການອະນຸຮັກ ສັດປ່າ.

ຍານາງ ສຈວດ ກ່າວວ່າ ສະຫະຣັຖ ໄດ້ເອົາໃຈໃສ່ ໃນການຊ່ອຍເຫລືອ ຣັຖບານລາວ ເຣື້ອງອະນຸຮັກ ທັມມະຊາດ ຣະບົບນິເວດ ແລະ ບ່ອນຢູ່ອາສັຍ ຂອງສັດປ່າ ໃຫ້ຄົງເດີມ. ຍານາງວ່າ ສະຖານີ ປົກປ້ອງສັດປ່າ ທີ່ສ້າງຂື້ນດ້ວຍ ເງີນຊ່ອຍເຫລືອ ຂອງສະຫະຣັຖ ເປັນການບົ່ງບອກ ເຖີງຄວາມມຸ້ງຫມັ້ນ ຂອງ ຣັຖບານສະຫະຣັຖ ເພື່ອອະນຸຮັກ ທັມມະຊາດ ແລະ ສັດປ່ານານາຊນິດ ໃນຂົງເຂດແຫ່ງນີ້.

ເລີ້ມແຕ່ປີ 2002 ເປັນຕົ້ນມາ ຣັຖບານສະຫະຣັຖ ໄດ້ມອບເງີນ ໃຫ້ຣັຖບານລາວ ປະມານ 5 ແສນໂດລາ ໃນການສນັບສນູນ ອະນຸຮັກ ທັມມະຊາດ ຣະບົບນິເວດ ແລະ ສັດປ່າ ດ້ວຍການສ້າງສະຖານີ ປົກປັກຮັກສາ ສັດປ່າ ຂື້ນໃນເຂດ ດັ່ງກ່າວ.