ເກົາຫລີໃຕ້ຈະຂຸດເຫຼັກ ແລະທອງແດງຢູ່ລາວ

ເກົາຫລີໃຕ້ ເປີດເຜີຽ ໃນວັນພຣະຫັດ ນີ້ວ່າ ໄດ້ລົງນາມ ໃນຂໍ້ຕົກລົງ ສັນຍາ ກັບ ສປປ ລາວ ເພື່ອພັທນາ ຊັພຍາກອນ ທັມມະຊາດ ຮ່ວມທັງ ແຮ່ທາດເຫລັກ ທອງແດງ ແລະ ແຮ່ທາດ ທີ່ຫາຍາກອື່ນໆ ແລະ ຈະຮ່ວມມືກັນ ໃນດ້ານ ພະລັງງານ ໄຟຟ້າ. ຕາມລາຍງານ ຂອງອົງການຂ່າວ ຣອຍເຕີ້ ຈາກກຸງໂຊນ ເກົາຫລີໃຕ້.

ກະຊວງເສຖກິດ ຂອງເກົາຫລີໃຕ້ ກ່າວວ່າ 30% ເທົ່ານັ້ນ ຂອງ ຊັພຍາກອນ ທັມມະຊາດ ທັງໝົດໃນລາວ ຖືກຂຸດຄົ້ນ ລາວມີ ສັກກະຍາພາບ ສູງດ້ານ ແຮ່ທາດ. ເກົາຫລີໃຕ້ ເປັນນື່ງໃນ 10 ປະເທດທີ່ມີ ເສຖກິດ ກໍາລັງກ້າວໜ້າ ທີ່ເລີ້ມກໍ່ຮ່າງ ສ້າງຕົວຈາກ ເປັນປະເທດ ທີ່ທຸກຍາກ ຈື່ງຢາກຖ່າຍທອດ ບົດຮຽນໃຫ້ ສປປ ລາວ. ເກົາຫລີໃຕ້ ອີງຕໍ່ການ ນໍາເຂົ້າ ດ້ານພະລັງງານ ແລະ ວັດຖຸດິບ ຈາກ ຕ່າງປະເທດ ດັ່ງນັ້ນ ຈື່ງຢາກຫລຸດພົ້ນ ຈາກການອີງຕໍ່ ນີ້ພາຍໃນປີ 2019 ໂດຍລົງທືນ ຫລາຍໆໂຄງການ ຢູ່ຕ່າງປະເທດ.