ຄົນລາວມີສິດເລືອກ ສີ່ງທີ່ພັກຣັຖເລືອກໃຫ້

ຄນະກັມມະທິການ ດ້ານການ ລົບລ້າງ ການຈຳແນກ ເຊື້ອຊາດ ເຜົ່າພັນ ສຫະປະຊາຊາດ ໄດ້ມີປະຊຸມ ກ່ຽວກັບ ປະເທດລາວ ໃນມື້ນີ້ ທີ່ສູນກາງໃຫຍ່ ທີ່ ນະຄອນ ເຈເນວາ ປະເທດ ສວີຊແລນ ໂດຍໄດ້ ເຊື້ອເຊີນ ຜູ້ຕ່າງຫນ້າ ຂອງ ກຸ່ມຕໍ່ສູ້ ເພື່ອ ປະຊາທິປະຕັຍ ໃນລາວ ຈາກ ຕ່າງປະເທດ ຫລາຍອົງການ ເຂົ້າຮ່ວມ.

ນື່ງໃນນັ້ນ ກໍມີກຸ່ມ ພັນທະມິດ ເພື່ອ ປະຊາທິປະຕັຍ ໃນລາວ ທີ່ມີສູນກາງ ໃນຢູໂຣບ ໄດ້ລາຍງານຕໍ່ ຄນະກັມມະທິການ ສະຫະປະຊາຊາດ ວ່າ ຣັຖບານ ລາວ ໄດ້ລ່ວງລະເມີດ ກົດຫມາຍ ວ່າດ້ວຍ ການຈຳແນກ ເຊື້ອຊາດ ເຜົ່າພັນ ຂອງອົງການ ສະຫະປະຊາຊາດ. ໃນ ສປປລາວ ຍັງບໍ່ມີ ສິດເສຣິພາບ ທາງດ່້ານ ການເມືອງ ແລະ ສິດທິ ໃນການເລືອກ ຕັ້ງແບບເສຣີ ເທື່ອ. ກົດຫມາຍ ຣັຖ ທັມມະນູນ ຂອງ ສປປລາວ ຣະບຸ ວ່າ ພັກຄອມມຸນິດລາວ ເປັນພັກໂທນ ພັກດຽວ ໃນການ ປົກຄອງ ປະເທດ.

ສຳລັບ ສະຖານະການ ດ້ານຜູ້ຍີງ ໃນລາວນັ້ນ ກຸ່ມດ່ັງກ່າວ ບອກວ່າ ໃນປັດ ຈຸບັນ ຜູ້ຍີງລາວ ຖືກຕົກ ເປັນເຫຍື່ອ ຂອງກຸ່ມຄ້າ ປະເວນີ ຫລາຍຂື້ນ, ຖືກການ ບີບບັງຄັບ ແຮງງານ ຈາກນາຍຈ້າງ ແລະ ກຸ່ມຄ້າມະນຸດ ແລະ ຜູ້ຍິງລາວ ບາງຄົນ ກໍຕິດເຊື້ອ hiv ຍ້ອນການ ຂົ່ມຂຶນ ທາງເພດ.

ກ່ຽວກັບບັນຫາ ຊາວຫນຸ່ມຍີງສາວ ໃນລາວ ໃນປັດຈຸບັນ ກຸ່ມດັ່ງກ່າວ ບອກວ່າ ຊາວຫນຸ່ມລາວ ເປັນຈຳນວນ ຫລວງຫລາຍ ວ່າງງານ ເຮັດໃຫ້ ເກີດບັນຫາ ທາງດ້ານສັງຄົມ ແລະ ຊາວຫນຸ່ມລາວ ຫລາຍຄົນ ກໍຕົກ ເປັນເຫຍື່ອ ຂອງກຸ່ມ ຄ້າມະນຸດ ໃນປະເທດ ເພື່ອນບ້ານ. ສຳລັບ ປະຊາຊົນ ຊາວເຜົ່າ ໃນລາວນັ້ນ ບັນຫາ ທີ່ຂະເຈົ້າ ເປັນຫ່ວງຫລາຍ ທີ່ສຸດກໍ່ ແມ່ນການທຳ ລາຍປ່າໄມ້ ບ່ອນທີ່ ຂະເຈົ້າ ຫາຢູ່ຫາກີນ.

ໃນບັນຫາ ຄວາມເລື່ອມລ້ຳ ຕ່ຳສູງ ໃນສັງຄົມ. ຕົວແທນ ຂອງຊາວມົ້ງ ເວົ້າວ່າ ທະຫານ ລາວ ແລະ ວຽດນາມ ຍັງມີການ ເຂັ່ນຂ້າຊາວມົ້ງ ໃນລາວ ຢູ່ຢ່າງຕໍ່ເນື່ອງ.