ກອງປະຊຸມພູເກັດ ຫຼີກ ເຣື່ອງເຂື່ອນໄຊຍະບູຣີ

ທ່ານ ທີລະພົງ ໂພມັ່ນ ຕົວແທນ ເຄືອຂ່າຍ ແມ່ນ້ຳ ເພື່ອຊິວີດ ຂອງໄທ ເປີດເຜີຍວ່າ ໃນກອງປະຊຸມ ປະເທດ ອ່າງແມ່ນ້ຳ ທີ່ຮ່ວມດ້ວຍ ແມ່ນ້ຳຂອງ ຣະຫວ່າງ ວັນທີ 1-3 ພຶສພາ ທີ່ແຂວງພູເກັດ ບໍ່ໄດ້ມີການ ໂອ້ລົມ ກັນກ່ຽວກັບ ເຂື່ອນ ໄຊຍະບູຣີ ແລະ ເຂື່ອນນ້ຳຂອງ ອື່ນໆ ດັ່ງທ່ານກ່າວວ່າ:

"ການປະຊຸມ ທັງ 3 ວັນນີ້ ແທບຈະບໍ່ມີ ການແຕະຕ້ອງ ຫລືເວົ້າເຖິງ ເຂື່ອນ ໄຊຍະບູຣີ ເລີຍ ເລື້ອງເຂື່ອນ ໄຊຍະບູຣີ ຫລື ເຂື່ອນແມ່ນ້ຳຂອງ ສາຍຫລັກ ເຫມືອນກັນ ຈະພຍາຍາມ ຫລີກລຽງ ທັ້ງໆທີ່ມີການ ຕັ້ງຄຳຖາມ ແລະ ອັນໃດໆ ກໍມີການ ຫລີກລຽງໂດຍຕຣອດ".

ທ່ານວ່າ ທັ້ງໆທີ່ ມີການຕັ້ງ ຄຳຖາມ ແລະ ຂໍ້ຂ້ອງໃຈ ກ່ຽວກັບ ໂຄງການສ້າງເຂື່ອນ ໄຊຍະບູຣີ ໃນທີ່ປະຊຸມ ທ່າທີ ແລະ ຄວາມຄືບຫນ້າ ໃນການກໍ່ສ້າງ ຈາກກຸ່ມຍ່ອຍ ຫລືກຸ່ມໃຫຍ່ ໃນກອງປະຊຸມ ແຕ່ ກອງປະຊຸມ ກັບຫລີກລຽງ ທີ່ຈະເວົ້າ ກ່ຽວກັບເລື້ອງນີ້ ແຕ່ໄດ້ເອີ່ຍເຖີງ ການສ້າງເຂື່ອນ ໃນລາວ ດັ່ງເຂື່ອນນ້ຳງື່ມ ແລະ ເຂື່ອນຕາມ ແມ່ນ້ຳສາຂາ ແທນ ຮ່ວມດ້ວຍ ການສລູບຜົລວ່າ ການສ້າງເຂື່ອນ ເປັນຫົນທາງ ອອກທາງນື່ງ ທາງດ້ານ ພລັງງານ ອາຫານ ແລະນ້ຳ ທີ່ສຳຄັນ ໃນພູມີພາກ.

ທ່ານວ່າ ໃນກອງປະຊຸມ ຕົວແທນຈາກ ສປປລາວ ກ່າວວ່າ ການສ້າງເຂື່ອນ ມີຄວາມສຳຄັນ ຕໍ່ການພັທນາ ເສຖກິດ ຂອງລາວ ເພື່ອຫລຸດຜ່ອນ ຄວາມທຸກຍາກ ແລະວ່າ ທາງການລາວ ຈະເຮັດໃຫ້ ມີຄວາມໂປ່ງໄສ ໃນໂຄງການ ເຂື່ອນ ໄຊຍະບູຣີ ເພື່ອຈະບໍ່ໃຫ້ ເກີດຜົລກະທົບ ຕໍ່ປະເທດເພື່ອນບ້ານ ແລະ ປະຊາຊົນ ສອງຝັ່ງ.