ຫຼວງພຣະບາງ ເມືອງທີ່ໜ້າທ່ຽວຊົມ

ສໍາລັບໃນປີ 2011 ເມືອງ ຫລວງພຣະບາງ ໄດ້ຮັບລາງວັນ ຊນະເລີດ ໄດ້ເປັນເມືອງ ຍອດນິຍົມ ຂອງ ນັກທ່ອງທ່ຽວ ຈາກ ວາຣະສານ Wanderlust. ຫລັງຈາກ ທີ່ໄດ້ຖືກຮັບ ຂື້ນຊື່ເປັນ ເມືອງ ມໍຣະດົກ ໂລກ ຂອງ ອົງການ UNESCO ຍິ່ງກາຍເປັນ ທີ່ສົນໃຈ ຂອງ ນັກທ່ອງທ່ຽວ ຈາກ ທຸກມຸມໂລກ. ໃນປີ 2011 ມີນັກທ່ອງທ່ຽວ ເຂົ້າມາໃນ ແຂວງ ຫລວງພຣະບາງ ກວ່າ 1 ລ້ານຄົນ ເມື່ອທຽບໃສ່ກັບ ປີກາຍ ມີຈໍານວນ ເພີ້ມຂຶ້ນ 30 ສ່ວນຮ້ອຍ.

ຫລວງພຣະບາງ ມີສະຖານທີ່ ທ່ອງທ່ຽວ ທັງໝົດ 200 ກວ່າແຫ່ງ ມີບ່ອນທ່ອງທ່ຽວ ວັທນະທັມ 82 ແຫ່ງ ທັມະະຊາດ 106 ແຫ່ງ ປວັດສາດ 32 ແຫ່ງ. ນັກທ່ອງທ່ຽວ ຕ່າງປະເທດ ສ່ວນໃຫຍ່ ຈາກ ສະຫະພາບ ຢູໂຣບ ຍີ່ປຸ່ນ ຈີນ ແລະ ໄທ.

ເຈົ້າໜ້າທີ່ ຫ້ອງການ ທ່ອງທ່ຽວ ຫລວງພຣະບາງ ເປີດເຜີຍ ຫວ່າງມໍ່ໆ ຜ່ານມາວ່າ ປີນີ້ຈະເປັນ “ປີທ່ອງທ່ຽວລາວ 2012” ສະນັ້ນ ທາງຫ້ອງການ ທ່ອງທ່ຽວ ແຂວງຈຶ່ງ ເລັ່ງຍົກ ສມັຕຕະພາບ ການທ່ອງທ່ຽວ ໃຫ້ດີ ຂຶ້ນ ໂດຍສະເພາະ ແມ່ນດ້ານ ບໍຣິການ ສະຖານທີ່ ພັກແຮມ.

ນອກຈາກນີ້ ຍັງໄດ້ ປັບປຸງ ຫລາຍຮູບ ການທ່ອງທ່ຽວ ໃຫ້ມີສີສັນ ຫລາຍຂຶ້ນ ເຊັ່ນປັບປຸງ ສະຖານທີ່ ທ່ຽວຊົມ ວິວທິວທັດ ທັມມະຊາດ ການທ່ອງທ່ຽວ ແບບ ອະນຸຮັກ ທັມມະຊາດ ການທ່ອງທ່ຽວ ວັທນະທັມ ບັນດາ ເຜົ່າ ແລະ ຍ່າງທ່ຽວປ່າ. ເຈົ້າໜ້າທີ່ ຄາດວ່າ ພາຍໃນປີ 2012 ຈະມີນັກ ທ່ອງທ່ຽວ ເພີ້ມຂຶ້ນ ຮອດ 2 ລ້ານຄົນ.