ທາງການຈະລົດຄ່າ ຂຶ້ນທະບຽນແຮງງານ

ໃນ ປັຈຈຸບັນ ມີຄົນງານ ຊາວລາວ ໄປເຮັດວຽກ ຢູ່ປະເທສ ເພື່່ອນບ້ານ ຢ່າງຫຼວງຫຼາຍ ຊຶ່ງກໍເປັນ ກາຣຍາກ ທີ່ຈະຄວບຄຸມ ແລະ ສໍາລັບຄ່າ ທໍານຽມ ຈົດຊື່ ລົງທະບຽນ ໃຫ້ຖືກຕ້ອງ ນັ້ນ ກໍຕ້ອງໄດ້ ໃຊ້ເງີນຫຼາຍ ຈຶ່ງເຮັດໃຫ້ ຄົນງານ ຕັດສິນໃຈ ສ່ຽງຕໍ່ ກາຣຈັບກຸມ. ດັ່ງເຈົ້າໜ້າທີ່ ກ່ຽວຂ້ອງ ເວົ້າວ່າ:

"ສ່ວນຫຼາຍ ຂະເຈົ້າ ບໍ່ມີເງິນເນາະ ຄ່າເສັຽ ກາຣໄປທຳງານ ໃຫ້ຖືກຕ້ອງ ຕາມກົດໝາຍ ຕ້ອງລົງທຶນ ສິບກວ່າພັນ ເນາະ ສິບຫ້າ ພັນບາທ ຈຶ່ງຈະສາມາຖ ໄປໄດ້ນ໋ະ".

ພ້ອມດຽວກັນ ທ່ານກໍວ່າ ເພື່ອແກ້ໄຂ ບັນຫາ ດັ່ງກ່າວ ທາງກະຊວງ ແຮງງານ ແລະ ສວັສດີກາຣ ສັງຄົມ ຈຶ່ງຈະລົດ ກາຣເກັບຄ່າ ທັມນຽມ ຈົດທະບຽນ ທີ່ ອາຈຈະໄດ້ເສັຽ ແຕ່ປະມານ 10% ເທົ່ານັ້ນ ກໍເປັນໄດ້ ເພື່ອສົ່ງເສີມ ໃຫ້ ຄົນງານລາວ ໄປຈົດທະບຽນ ຢ່າງຖືກຕ້ອງ ໃຫ້ມີຫຼາຍ ກວ່າເກົ່າ ໂດຽທີ່ບໍ່ ຈຳເປັນ ຕ້ອງໄດ້ສ່ຽງ ຕໍ່ກາຣຈັບກຸມ ອີກຕໍ່ໄປ.

ໃນປັຈຈຸບັນ ມີຄົນງານລາວ ໄປເຮັດວຽກຢູ່ ປະເທສໄທຽ ໂດຽຜ່ານ ແຂວງ ອຸບົລ ຣາຊທານີ ອຳນາຈເຈຣີນ ແລະ ມຸກດາຫາຣ ໃນແຕ່ລະປີ ມີບໍ່ຕໍ່າກວ່າ 2 ແສນຄົນ ຊຶ່ງທັງໝົດ ຈະຕ້ອງໄດ້ ຈ່າຍຜູ້ລະ ປະມານ 5,000 ບາທ ໃຫ້ນາຍໜ້າ ຂອງ ຂະບວນກາຣ ຄ້າແຮງງານ ເຖື່ອນ ຊື່ງເປັນຄົນລາວ ແລະຄົນໄທຽ ເພື່ອແລກກັບກາຣ ໄປເຮັດວຽກ ຢູ່ໃນ ປະເທສໄທຽ.