ລາວຈະປັບປຸງການ ສຶກສາໃນປະເທດ

ເຖິງແມ່ນວ່າ ການສຶກສາ ໃນລາວ ໃນປັດຈຸບັນ ຈະບໍ່ທັນ ພັທນາ ເທົ່າທຽມກັບ ຫລາຍປະເທດ ໃນຂົງເຂດ ກໍຕາມ ແຕ່ຣັຖບານ ລາວ ກໍ່ຈະພຍາຍາມ ຍົກຣະດັບ ໃຫ່້ ດີຂຶ້ນ ໃນອານາຄົດ. ຣັຖບານ ລາວ ຫລິງເຫັນ ຄວາມສຳຄັນ ໃນການພັທນາ ຊັພຍາກອນ ມະນຸດ ດ້ວຍການຍົກ ຣະດັບ ການສຶກສາ ແລະ ກໍ່ເປັນນຶ່ງ ໃນແຜນ ການພັທນາ ເສຖກິດ ຂອງຊາດ ເພື່ອໃຫ້ລາວ ສາມາດຫລຸດພົ້ນ ຈາກການ ເປັນປະເທດ ດ້ອຍພັທນາ ໃນເປົ້າຫມາຍ ສຫັດສວັດ. ດັ່ງ ທ່ານລີຕູ ປາວຮົວ ຣັຖມົນຕຣີ ຊ່ອຍ ກະຊວງ ສຶຶກສາທິການ ກ່າວໃນຕອນ ນຶ່ງວ່າG

"ໃນປີ 2015 ນີ້ ຕ້ອງບັນລຸ ເປົ້າຫມາຍ ສຫັດສວັດ ສະນັ້ນ ຕົວນີ້ ເປັນສິ່ງທີ່ ຕ້ອງມິີຄວາມ ພຍາຍາມ ພວກປະເທດ ອ້ອມຂ້າງ ໄປໄກແລ້ວ ດຽວນີ້ ຍັງແຕ່ ລາວ ນຳຫລັງ ສະນັ້ນລາວ ຈະຕ້ອງສູ້ຊົນ ຍີ່ງຂຶ້ນ ເພື່ອບໍ່ໃຫ້ ຢູ່ທ້າຍຫມູ່".

ທ່ານວ່າ ໃນຣະຍະ ທີ່ຜ່ານມາ ຣັຖບານລາວ ບໍ່ສາມາດ ໃຫ້ການ ສຶກສາແກ່ ປະຊາຊົນ ໄດ້ຢ່າງທົ່ວເຖິງ ໃນທົ່ວ ປະເທດ ໂດຍສະເພາະ ໃນເຂດ ຊົນນະບົດ ທີ່ຫ່າງໄກ ສອກຫລີກ ຍ້ອນຂາດ ງົບປະມານ ຂາດໂຮງຮຽນ ຂາດ ຄຣູອາຈານ ຕ້ອງໄດ້ອາສັຍ ການຊ່ອຍເຫລືອ ຈາກຕ່າງປະເທດ.

ແຕ່ໃນ ປັດຈຸບັນ ທາງການລາວ ກໍ່ໄດ້ພັທນາ ຍົກຣະດັບ ຄຣູອາຈານ ຫລາຍຂຶ້ນ ດ້ວຍການສົ່ງຄຣູ ຈາກແຕ່ລະແຂວງ ໄປຝຶກອົບຮົມ ແລະເພີ້ມເງິນເດືອນ ໃຫ້ຄຣູຜູ້ທີ່ ຈະໄປສອນ ຕາມເຂດ ຊົນນະບົດ ຈຶ່ງເຮັດໃຫ້ ການສຶກສາ ໃນລາວມີ ມາຕຖານ ຫລາຍຂຶ້ນ.