ລາວ-ອິນເດັຽ ເປີດກາຣຄ້າເສຣີ

ພາຍຫລັງທີ່ ອິນເດັຽ ໄດ້ລົງນາມ ໃນຂໍ້ສັນຍາ ກາຣຄ້າເສຣີ ກັບອາຊ໊ຽນ ແຕ່ປີ 2009 ຜ່ານມາ. ນອກຈາກ ສປປລາວ ແລ້ວ ທາງກາຣອິນເດັຽ ກໍໄດ້ດໍາເນີນ ກາຣຄ້າເສຣີ ກັບສະມາຊິກ ອາຊ໊ຽນ ອື່ນໆເຊັ່ນ: ອິນໂດນີເຊັຽ ວຽຕນາມ ພະມ້າ ມາເລເຊັຽ ສິງຄະໂປ ບຼູໄນຍ໌ ແລະ ໄທຽ. ສ່ວນກັມພູຊາ ແລະ ຟີລິປປິນນັ້ນ ຍັງບໍ່ທັນໄດ້ ເຣີ່ມດຳເນີນ ກາຣຄ້າເສຣີ ກັບອິນເດັຽ ຢ່າງສົມບຸນແບບ ເທື່ອ ແຕ່ກໍຄາດວ່າ ຈະມີກາຣ ລົງມື ໃນໄວໆນີ້ ເຊັ່ນກັນ.

ອາຊ໊ຽນ ເປັນກຸ່ມປະເທສ ທີ່ມີກາຣຄ້າຣາຍ ໃຫຍ່ ກັບອິນເດັຽ ຕລອດຣະຍະ ຜ່ານມາ ແລະ ຄາດວ່າຈະມີ ຈຳນວນຫລາຍເພີ່ມຂຶ້ນ ຈາກມູລຄ່າ ກາຣຄ້າປະມານ 43.5 ຕື້ດອລລາຣ໌ ສະຫະຣັຖ ປັຈຈຸບັນ ຂຶ້ນເປັນ 70 ຕື້ ດອລລາຣ໌ ໃນປີ 2012.

ຢ່າງໃດກໍຕາມ ສະເພາະມູລຄ່າ ກາຣຄ້າ ຣະຫວ່າງລາວ ກັບອິນເດັຽ ໃນສົກປີ 2009-2010 ຜ່ານມາ ຕົກເປັນມູລຄ່າ ທັງໝົດເກືອບ ຮອດ 37 ລ້ານ ດອລລາຣ໌ ຊຶ່ງສິນຄ້າສ່ວນ ຫລາຍທີ່ທາງກາຣລາວ ນຳເຂົ້າຈາກ ປະເທສອິນເດັຽ ນັ້ນ ກໍຮວມທັງແຜ່ນແພ ອາຫາຣທະເລ ແລະ ສາຣເຄມີຕ່າງໆ.