ສະຫະຣັຖຈະກໍາຈັດ ໂຣຄປາກເປື່ອຍ

ສະຫະຣັຖ ອະເມຣິກາ ຈະກໍາຈັດ ໂຣກລົງເລັບ ແລະ ປາກເປື່ອຍ ໃຫ້ໝົດກ່ອນ 10 ປີ. ຕາມການເປີດເຜີຽ ຂອງຫົວໜ້າ ອົງການ ສຸຂພາລານາໄມ ສັດໂລກ ທ່ານ Bernard Vallat ໃນວັນ ພຣະຫັດນີ້.

ທ່ານ Vallat ກ່າວຕໍ່ ສື່ມວນຊົນ ຢູ່ທີ່ ກອງປະຊຸມ ພູມີພາກ ອະເມຣິກາ ຄັ້ງທີ່ 12 ວ່າ ເປັນທີ່ແນ່ນອນ ແລ້ວວ່າ ພາຍໃນບໍ່ເຖິງ 10 ປີ ອະເມຣິກາ ຈະບໍ່ມີ ເຊື້ອໂຣກ ລົງເລັບ ແລະ ປາກເປື່ອຍ ອີກແລ້ວ ໂດຍບໍ່ຕ້ອງ ການສັກຢາ ປ້ອງກັນເຊື້ອໂຣກ. ທ່ານວ່າ ອະເມຣິກາ ຕໍ່ສູ້ກັບ ເຊື້ອໂຣກນີ້ ຢ່າງເອົາຈິງເອົາຈັງ ແລະ ເປັນແບບຢ່າງ ແກ່ຫລາຍປະເທດ ໃນທະວີບ ອະເມຣິກາ ທີ່ມີສັດຕິດ ເຊື້ອໂຣກນີ້.

ເຊື້ອໂຣກລົງເລັບ ແລະ ປາກເປື່ອຍ ຈະມີຢູ່ໃນ ຝູງ ງົວ ຄວາຍ ໝູ ກວາງ ແລະ ສັດເດັຍຣະສານ ອື່ນໆ. ລາຍງານເຕືອນວ່າ ເຊື້ອໂຣກນີ້ ຍັງແພ່ຫລາຍ ຢູ່ປະເທດ Ecuador ແລະ ເວເນຊູເອລາ.