ສະຫະຣັຖຊ່ອຍອີກ 9 ລ້ານເພື່ອກູ້ລະເບີດ

ສະພາ ສະຫະຣັຖ ອະນຸມັດ ເງິນ ຊ່ວຍເຫລືອ $9 ລ້ານ ສໍາລັບ ໂຄງການ ເກັບກູ້ ລະເບີດ ໃນລາວ.
ສົມເນ
2012.02.17
F-Bomb-crates ຈຸດດ່າງສີຂາວ ຕາມໜ້າດິນ ແມ່ນຈຸດທີ່ ລະເບີດ ທີ່ບໍ່ທັນແຕກ ຕົກຝັງຢູ່
RFA

ກົດຟັງສຽງ

ສະພາ ສະຫະຣັຖ ອະເມຣິກາ ອະນຸມັດ ເງິນຊ່ວຍເຫລືອ $9 ລ້ານ ເພື່ອໃຊ້ຈ່າຍ ໃນໂຄງການ ເກັບກູ້ ລະເບີດ ໃນລາວ ໃນສົກ ງົບປະມານ ປີ 2012. ຕາມການເປີດເຜີຽ ຂອງ ອົງການ legacies of war ທີ່ມີ ສໍານັກງານ ຢູ່ ນະຄອນຫລວງ ວໍຊິງຕັນ ດີຊີ ໃນວັນທີ່ 16 ກຸມພາ ນີ້.

ເງິນຊ່ວຍເຫລືອ ຈໍານວນ $9 ລ້ານ ນີ້ເພີ້ມຂື້ນເປັນ 3 ເທົ້າ ຂອງງົບປະມານ ການຊ່ວຍເຫລືອ ໂຄງການ ເກັບກູ້ລະເບີດ ໃນລາວ ນັບແຕ່ປີ 2006 ເປັນຕົ້ນມາ ແລະເປັນເງິນ ກ້ອນໃຫ່ຽ ກ່ວາຄັ້ງ ທີ່ຜ່ານມາ ທີ່ສະພາ ສະຫະຣັຖ ໄດ້ ອະນຸມັດໃຫ້.

ລາຍງານແຈ້ງວ່າ ໃນຫລາຍເດືອນ ມານີ້ ເຈົ້າໜ້າທີ່ ອົງການ legacies of war ໄດ້ເຂົ້າພົບ ເຈົ້າໜ້າທີ່ ສະພາຕໍ່າ ແລະ ສະພາສູງ ຮ່ວມທັງ ທ່ານ Patrick Leahy ສະມາຊິກ ສະພາສູງ ຈາກຣັຖ Vermont ສັງກັດພັກ ດີໂມແກຣັດ ເພື່ອຂໍໃຫ້ເພີ້ມ ງົບປະມານ ການຊ່ວຍເຫລືອ ການເກັບກູ້ ລະເບີດ ໃນລາວ ຈາກທີ່ເຄີຽ ຂໍໄປໃນ ຄັ້ງທໍາອິດ $ 5 ລ້ານ ຊື່ງສະພາ ສະຫະຣັຖ ຮັບຮູ້ວ່າ ສະຫະຣັຖ ມີຄວາມ ຮັບຜິດຊອບ ຊ່ວຍເຫລືອ ເກັບກູ້ ລະເບີດ ໃນລາວ ຢູ່ໃນເຂດ ທີ່ສະຫະຣັຖ ຖິ້ມລະເບີດ ໃສ່.

ໃນຈົດໝາຍ ທີ່ສົ່ງໄປຫາ ຣັຖມົນຕຣີ ການຕ່າງ ປະເທດ ເພື່ອຮ້ອງຂໍ ໃຫ້ສະຫະຣັຖ ມີພັນທະ ໃນການຊ່ວຍເຫລືອ ສປປລາວ ເຣື້ອງເກັບກູ້ ລະເບີດນັ້ນ ອະດີດ ເອກອັຄຣາຊທູດ ປະຈໍາລາວ ທ່ານ Douglas A. Hartwick ແລະ ອະດີດ ເອກອັຄຣາຊທູດ 5 ຄົນ ຮ່ວມຢູ່ນໍາດ້ວຍ. ອົງການ Legacies of war ຊື່ງແມ່ນ ທ່ານ Brett Darkin ເປັນປະທານ ຄນະບໍຣິຫານ ໄດ້ຂໍໃຫ້ ກະຊວງການ ຕ່າງປະເທດ ມີພັນທະ ຊ່ວຍເຫລືອ ສປປລາວ ຢ່າງນ້ອຍ $100 ລ້ານໂດລາ ຫລືວ່າ $10 ລ້ານຕໍ່ປີ ໃນລະຍະ 10 ປີ ຂ້າງໜ້າ ສໍາລັບໃຊ້ຈ່າຍ ໃນການເກັບກູ້ ລະເບີດ ຊ່ວຍເຫລືອ ຜູ້ເຄາະຮ້າຍ ຈາກລະເບີດ ແລະ ໃຫ້ການສືກສາ ກ່ຽວກັບ ຄວາມສ່ຽງ ຂອງລະເບີດ ຝັງດິນ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ຄວາມເຫັນ

Anonymous
Feb 18, 2012 01:38 AM

ຮູ້ວ່າປະຕິບັດພາດ ຮູ້ຮັບພິດຊອບແມ່ນຄົນຈິງ.ຮູ້ເວົ້າຮ້າຍຮູ້ໃຫ້ອະໄພແມ່ນຄົນແທ້.ຂໍຂອບໃຈ ແລະ ສົມກັບຄວາມເປັນຜູ້ຮັກສາມາລະຍາດແທ້.