ເດັກນ້ອຍຂາດສານອາຫານ ໃນ ສປປລາວ

ເດັກນ້ອຍ ທີ່ມີອາຍຸ ກ່ອນເຂົ້າໂຮງຮຽນ ໃນ ສປປລາວ ບໍ່ໄດ້ຮັບການ ຮັກສາປິ່ນປົວ ທີ່ຖືກຕ້ອງ ຕາມຫລັກສຸຂາພິບານ ພ້ອມທັງຍັງ ຂາດສານອາຫານ ທີ່ຊ່ອຍໃຫ້ຮ່າງກາຍ ເຕີບໃຫຍ່ຢ່າງ ອຸດົມສົມບູນ. ຄາດວ່າ ເດັກນ້ອຍເຫລົ່ານີ້ ມີຈຳນວນ ສູງເຖິງ 40 ສ່ວນຮ້ອຍ. ອີງຕາມແຫລ່ງຂ່າວ ຂອງທາງການລາວ.ຈຳນວນ ໂຕເລກດັ່ງກ່າວ ໄດ້ຖືກເປີດເຜີຍ ໂດຍລາຍງານຂອງ ຮອງອະທິບໍດີ ກະຊວງສຶກສາ ຊັ້ນປະຖົມ ແລະອະນຸບານ ທ່ານສົມບູນ ມາສຸສັນ ທີ່ໄດ້ກ່າວໃນ ການສັມມະນາ ຢູ່ນະຄອນຫລວງ ວຽງຈັນ ມື້ວັນທີ 23 ກຸມພາ 2010 ກ່ຽວກັບ ນະໂຍບາຍດ້ານ ການພັທນາ ຂອງເດັກນ້ອຍ ໃນວັຍກ່ອນເ ຂົ້າໂຮງຮຽນ ແລະການຮ່າງຫລັກສູດ ຄັ້ງທີສີ່ ຂອງການຮຽນ ການສອນ ຂັ້ນອະນຸບານ.
ປັດຈຸບັນນີ້ ຈຳນວນເດັກນ້ອຍ ທີ່ມີອາຍຸ ຕໍ່າກວ່າຫ້າປີ ໃນລາວເຂົ້າ ໂຮງຮຽ ນອະນຸບານ ພຽງແຕ່ 19 ສ່ວນຮ້ອຍ ແລະເດັກນ້ອຍ ທີ່ເຂົ້າໂຮງຮຽນ ປະຖົມ ທັງໝົດມີ 91 ສ່ວນຮ້ອຍ. ຈຳນວນເດັກນ້ອຍ ທີ່ເຂົ້າໂຮງຮຽນ ອະນຸບານ ມີຕໍ່າເພາະວ່າ ບໍ່ມີກົດໝາຍບັງຄັບ ຄືກັນກັບໂຮງຮຽນ ຊັ້ນປະຖົມ, ອີງຕາມທ່ານ ດວງດີ ອຸດທະຈັກ ຫົວໜ້າຄະນະ ກັມມາທິການ ສະພາແຫ່ງຊາດ. ກ່ຽວກັບການ ຂາດສານອາຫານ ຂອງເດັກນ້ອຍ ດຣ ສົມຈິດ ອັກຄະວົງ ຮອງອະທິບໍດີ ກົມສົ່ງເສີມ ສຸຂພາບອະນາມັຍ ແລະປ້ອງກັນ ພຍາດ ກ່າວວ່າຍ້ອນຜູ້ ເປັນແມ່ເມື່ອຖືພາ ກໍບໍ່ໄດ້ກິນ ອາຫານບຳລຸງ ທີ່ມີວິດຕາມິນ. ເດັກນ້ອຍທີ່ ຂາດສານອາຫານ ຈະເປັນຄົນເຕັ້ຍແລະມີນ້ຳໜັກ ໂຕທີ່ບໍ່ໄດ້ ມາຕຖານ ຊຶ່ງມີປະມານ 37.8 ສ່ວນຮ້ອຍ.