ພັນທະບັຕ ເອເຊັຽບອນດ໌ ມີການຊັກຊ້າ

ກາຣທີ່ທາງກາຣ ສປປລາວ ຢາກອອກຂາຍ ພັນທະບັຕ ເອເຊັຽບອນດ໌ ເພື່ອຣະດົມ ຫາທຶນມາພັທນາ ຕາມໂຄງກາຣ ໄຟຟ້ນ້ຳຕົກ ໃນທົ່ວປະເທສນັ້ນ ປາກົດວ່າທາງ ເຈົ້າໜ້າທີ່ກ່ຽວຂ້ອງ ຈາກຣັຖວິສາຫະກິຈ ໄຟຟ້າລາວ ໃຫ້ຄຳຕອບພຽງ ແຕ່ວ່າຍັງບໍ່ທັນ ແຈ້ງຂາວເທື່ອເທົ່ານັ້ນ ແຕ່ຖ້າຫາກ ເປັນໄປໄດ້ ກໍຢາກ ຈະນຳອອກຂາຍ ດັ່ງເຈົ້າໜ້າທີ່ ທ່ານໜຶ່ງໄດ້ກ່າວວ່າ:

“ຍັງບໍ່ທັນອອກ ມັນຣະຍະນີ້ ດອກເບັ້ຽເງິນກູ້ ມັນຍາກຫລາຍ ຄັນເຮົາອອກບອນດ໌ ດອກເບັ້ຽ ມັນຈະສູງກວ່າ ດອກເບັ້ຽເງິນກູ້ ມັນກໍ ເປັນໄປບໍ່ໄດ້”.

ພ້ອມດຽວກັນນີ້ ທ່ານກໍວ່າ ທາງກາຣ ສປປລາວ ໄດ້ເລື່ອນກາຣອອກ ພັນທະບັຕ “ລາວເອເຊັຽບອນດ໌” ໃນສະກຸນເງິນບາທ ຈຳນວນ 1.5 ພັນລ້ານບາທ ອອກໄປຈາກ ກຳໜົດເດີມ ເນື່ອງຈາກວ່າ ໃນປັຈຈຸບັນນີ້ ດອກເບັ້ຽຍັງມີ ອັຕຣາສູງກວ່າ ຄວາມເປັນຈິງ.

ສະນັ້ນທາງກາຣລາວ ຈຶ່ງຈະໄດ້ມີກາຣ ພິຈາຣະນາ ຢ່າງຮອບຄອບ ເສັຽກ່ອນ ກ່ອນທີ່ຈະນຳເອົາ ພັນທະບັຕ ອອກຈຳໜ່າຍ ດ້ວຍຄວາມຫວັງທີ່ ຈະໃຫ້ສາມາດ ນຳອອກໄດ້ ພາຍໃນທ້າຍປີ 2010 ນີ້.