ເສຖກິຈລາວ ປະເຊີນກັບ ບັນຫາກາຣ ທ້າທາຍ ຫລາຍຢ່າງ ໃນປີນີ້

ອີງຕາມກາຣຣາຍງານ ຈາກທາງກະຊວງວາງແຜນ ແລະກາຣລົງທຶນຂອງລາວ ໃນຣະຍະທີ່ຜ່ານມາ ເປັນກາຣແສດງ ໃຫ້ເຫັນວ່າ ພາຄສ່ວນອຸຕສາຫະກັມ ມີກາຣຂຍາຍ ຕົວຂື້ນປະມານ 13% ແຕ່ສະເພາະພາຄ ກາຣກະສິກັມ ຊ້ຳພັດມີກາຣຂຍາຍຕົວຍາກ ຊື່ງເພີ່ມຂື້ນພຽງ ປະມານ 3% ເທົ່ານັ້ນ ແຕ່ກໍໄດ້ເຮັດໃຫ້ ກາຣສົ່ງສິນຄ້າອອກ ຂາຍຕ່າງປະເທສຮວມ ເປັນມູລຄ່າທັງໝົດເຖີງ 1 ພັນລ້ານດອລລາຣ໌ ສະຫະຣັຖສຳຫລັບ ສົກປີ 2007-2008 ຜ່ານມາ. ໃນຈຳນວນສິນຄ້າ ດັ່ງກ່າວປະມານ 47% ຕົກເປັນພາຄສ່ວນ ຈາກໂຄງກາຣຂຸດຄົ້ນ ເໝືອງແຮ່ຊື່ງກໍຮວມທັງຄຳ ແລະທອງແດງ ແຕ່ກໍຍັງເຮັດໃຫ້ ທາງກາຣລາວຂາດດູນ ກາຣຄ້າຢູ່ ຄືເກົ່າບໍ່ຕໍ່າກວ່າ 80 ລ້ານ ດອລລາຣ໌.

ເຖີງຢ່າງໃດກໍຕາມ ທາງກາຣ ສປປລາວ ມີເປົ້າໝາຍທີ່ຈະເຮັດ ໃຫ້ເສຖກິດໃນລາວ ຂຍາຍຕົວຂື້ນເຖີງ 8% ສະເພາະປີກາຣ 2008-2009 ໂດຽສະເພາະຈາກ ພາຄສ່ວນພລັງໄຟຟ້າ ແລະກາຣທ່ອງທ່ຽວ ແຕ່ທາງສະຖາບັນ ກາຣເງີນຕ່າງໆເຊັ່ນ: ທະນາຄານໂລກ ແລະທະນາຄານ ພັທນາເອເຊັຽ ຊ້ຳພັດໃຫ້ທັສນະ ວ່າຄົງຈະ ເປັນໄປໄດ້ຍາກ ແລະວ່າເຖີງຈະ ມີກາຣຂຍາຍ ຕົວກໍອາຈຈະເພີ່ມ ຂື້ນປະມານ 6-6.5% ເທົ່ານັ້ນໃນປີນີ້!!!