ປະເທດໄທ ຈະໄຊ້ຂົວມິຕະພາບ ຂ້າມແມ່ນ້ຳຂອງ ແຫ່ງທີສອງ ສວັນະເຂດ - ມຸກດາຫານ ເພື່ອຮັດແນ່ນ ຄວາມສາມັກຄີ ກັບປະເທດເພື່ອນບ້ານ

ປະເທດໄທ ຈະໄຊ້ຂົວມິຕະພາບ ຂ້າມແມ່ນ້ຳຂອງ ແຫ່ງທີສອງ ສວັນະເຂດ-ມຸກດາຫານ ເພື່ອຮັດແນ່ນ ຄວາມສາມັກຄີ ກັບປະເທດເພື່ອນບ້ານ. ຕາມລາຍງານ ຂອງໜັງສືພິມ ໃນທ້ອງຖິ່ນຂອງໄທ.

ລາຍງານວ່າ ປະເທດໄທ ໄດ້ເປັນເຈົ້າພາບ ຈັດກອງປະຊຸມ ສາມຊາດຂື້ນ ລະຫ່ວາງ ໄທ ລາວ ແລະວຽດນາມ ແລະໄດ້ລົງນາມ ໃນເອກະສານ ຂໍ້ບັນທຶກ ຄວາມເຂົ້າໃຈກັນ ກ່ຽວກັບການຮ່ວມມື ລະຫ່ວາງສາມປະເທດດັ່ງກ່າວ.

ທ່ານ ນົພະດົນ ສາຣະວາສີ ຮອງເອກອະທິບໍດີ ກົມການເຈຣະຈາ ການຄ້າ ຂອງໄທກ່າວວ່າ ການພົປະກັນ ລະຫ່ວາງຜູ້ແທນ ຂອງສາມປະເທດນີ້ ໄດ້ຕົກລົງ ໄຊ້ຂົວມິຕະພາບ ແຫ່ງທີ່ສອງເພື່ອການຮ່ວມມື ທາງດ້ານນການຄ້າ ການລົງທຶນ ການທ່ອງທ່ຽວ ແລະການຂົນສົ່ງ. ໃນກອງປະຊຸມທີ່ໄທ ເປັນເຈົ້າພາບນີ້ ທ່ານ ກຣຽກກາຍ ຈີຣະແພດ ຣັຖະມົນຕຣີການຄ້າ ຂອງໄທເປັນຫົວໜ້າ ຄະນະຜູ້ແທນຝ່າຍໄທ.

ທ່ານ ກຣຽກກາຍ ກ່າວວ່າ ຕໍ່ໄປ ຂົວມິຕະພາບ ແຫ່ງທີສອງນີ້ ຈະເປັນຜົນ ປະໂຍດ ໃນການສ້າງຕັ້ງ ປະຊາຄົມເສຖະກິດ ອາຊຽນຊຶ່ງຄາດວ່າ ໃຫ້ສຳເຣັດ ໃນປີ 2015 ນີ້. ນອກນັ້ນທ່ານ ນົພະດົນຍັງໄດ້ກ່າວວ່າ ໄທມີຄວາມຫວັງວ່າຈະ ຂະຫຍາຍ ຄວາມຮ່ວມມື ທາງດ້ານເສຖະກິດ ກັບພະມ້າ ໂດຍເຮັດໃຫ້ເສັ້ນທາງ ເສຖະກິດຕະເວັນອອກ ຕະເວັນຕົກ ເຊື່ອມຕໍ່ກັນ ໃນອານາຄົດຕໍ່ໄປ. ກອງປະຊຸມ ສາມຊາດຍັງໄດ້ ໄກ້ເກັ່ຽບັນຫາ ຄ່າຜ່ານແດນ ແລະຈັດຕັ້ງສູນ ເພື່ອສະແດງຜລິຕະຜົນ ຂອງສາມປະເທດ.

ສົມເນ ຣາຍງານ