ນະຄອນຫລວງວຽງຈັນ ກຳລັງເຜຊີນ ກັບບັນຫາກາຣຂາດແຄນ ຊີ້ນໝູ ແລະຍີ່ງເຮັດໃຫ້ ຣາຄາຊີ້ນໝູ ຖີບຕົວສູງຂື້ນ

ແຫລ່ງຂ່າວທ້ອງຖີ່ນ ແຈ້ງຕໍ່ທາງວິທຍຸເອເຊັຽ ເສຣີວ່າ: ນັບແຕ່ຕົ້ນເດືອນກຸມພາ ນີ້ມາ ຕາມທ້ອງຕລາດ ທົ່ວນະຄອນຫລວງວຽງຈັນ ມີບັນຫາດ້ານຂາດແຄນ ຊີ້ນໝູ ແລະຍີ່ງ ເຮັດໃຫ້ຊີ້ນໝ ູມີຣາຄາແພງສູງຂື້ນ ຈາກຣາຄາເດີມ ຣະຫວ່າງ 25,000-30,000 ກີບ ມາເປັນ 35,000 – 36,000 ກີບຕໍ່ 1 ກິໂລ ອັນເປັນເຫຕ ໃຫ້ບໍຣິໂພຄ ໂດຽສະເພາະປະຊາຊົນສາມັນ ທັມມະດາ ທີ່ຫາເຊົ້າກິນຄໍ່າຢູ່ແລ້ວນັ້ນ ຕ້ອງໄດ້ເພີ່ມຣາຍຈ່າຍ ຕື່ມອີກ.

ແຫລ່ງຂ່າວເດີມ ໄດ້ແຈ້ງເພີ່ມວ່າ: ຕາມໂຮງງານຂ້າສັຕຕ່າງໆ ໃນນະຄອນຫລວງ ວຽງຈັນ ກໍຂາດແຄນໝູ ເພື່ອນຳສົ່ງປ້ອນໂຮງງານ ເຊັ່ນໂຮງຂ້າສັຕ ໜອງດ້ວງທີ່ເປັນ ໂຮງງານຂນາດໃຫຍ່ ພໍສົມຄວນ ແຕ່ກໍມີກາຣຂ້າໝ ູແຕ່ລະມື້ພຽງ ປະມານ 40 – 50 ໂຕເທົ່ານັ້ນ ຊື່ງຖືເປັນຈຳນວນນ້ອຍ ທີ່ບໍ່ພຽງພໍກັບຄວາມຕ້ອງກາຣ.

ສາເຫຕທີ່ເຮັດໃຫ້ ມີກາຣຂາດແຄນໝ ູປ້ອນຕລາດໃນນະຄອນຫລວງວຽງຈັນ ເຊັ່ນ ນີ້ກໍຍ້ອນຈຳນວນໝູພັນ ທີ່ສົ່ງໄປຈາກຕ່າງແຂວງ ກໍມີຈຳນວນຫລຸດນ້ອຍລົງ ເພາະມີ ກາຣຈຳກັດກາຣເຄື່ອນຍ້າຍ ຈຳພວກສັຕຕ່າງໆເຊັ່ນກັນ.

ນອກຈາກນັ້ນຊາວກະສິກອນ ລ້ຽງໝ ູກໍມີຈຳນວນຫລຸດນ້ອຍລົງ ໄປຕາມໆກັນ ຍ້ອນຫົວອາຫາຣ ມີຣາຄາແພງຂື້ນ ເຖີງຂັ້ນຟາຣ໌ມລ້ຽງໝ ູຫລາຍແຫ່ງຕ້ອງໄດ້ຢຸດເຊົາ ກິຈກາຣ ແລະເຊື່ອວ່າ ຍີ່ງຈະສ້າງ ບັນຫາເຮັດໃຫ້ຄ່າຄອງຊີພ ທົ່ວນະຄອນຫລວງວຽງຈັນ ແພງຂື້ນກວ່າເກົ່າ.

ຫວາດ ສີມູນ ຣາຍງານ