ນັກວິຊາກາຣໄທຽ ວ່າຊາວລາວ ບໍ່ນິຍົມໄປຫລິ້ນກາຣພະນັນ ຢູ່ “ກາຊີໂນ” ແຕ່ມັກຈະຫລີ້ນໄພ້ ຊື້ຫວຍ ແລະເບີຣ໌ ເປັນສ່ວນໃຫຍ່
2008.01.31
ຊາວລາວ ມັກຫລີ້ນ ກາຣພະນັນ ປະເພດຊື້ຫວຍ ແທງເບີຣ໌ ແບບທັມມະດາ ແຕ່ຈະໃຫ້ ໄປຫລິ້ນຢູ່ ກາຊີໄຈໃຫຍ່ໆ ທີ່ມາເລເຊັຽ ໄປລົງທືນນັ້ນ ເຖີງຈະມີ ກໍມີ ເປັນສ່ວນນ້ອຍໆ ເທົ່ານັ້ນ. .
ໂຮງແຮມຫລິ້ນກາຣພະນັນ “ແດນສວັນນ້ຳງື່ມກາຊີໂນ” ຊື່ງແມ່ນເອກຊົນມາເລເຊັຽ ຮ່ວມກັບຣັຖບາລ ສປປລາວ ຂື້ນເປັນບ່ອນທຳອິດ ໃນເມືອງລາວນັ້ນ ປາກົດວ່າຈະມີ ແຕ່ນັກທ່ອງທ່ຽວ ແລະ ນັກກາຣພະນັນ ຈາກຕ່າງປະເທດ ເທົ່ານັ້ນທີ່ນິຍົມໄປຫລິ້ນ.
ສ່ວນປະຊາຊົນລາວເອງ ໂດຽທົ່ວໄປແລ້ວ ຈະນິຍົມຫລີ້ນກາຣພະນັນ ແບບເລັກນ້ອຍ ເປັນສ່ວນໃຫຍ່ ແທນທີ່ຈະແມ່ນແບບທຸ້ມເທ ເປັນຣາຍໃຫຍ່ ດັ່ງນັກວິຊາກາຣ ຈາກມະ ຫາວິທຍາລັຍແຫ່ງຊາຕ ຂອງໄທຽ ຜູ້ໜື່ງໄດ້ແສດງຄວາມເຫັນສ່ວນຕົວວ່າ:
(ສຽງ) "ທ່ານວ່າ: “ຊາວລາວ ມັກຫລີ້ນກາຣພະນັນ ປະເພດຊື້ຫວຍ ແທງເບີຣ໌ແບບທັມມະດາ ແຕ່ ຈະໃຫ້ໄປຫລິ້ນຢູ່ ກາຊີໄຈໃຫຍ່ໆ ທີ່ມາເລເຊັຽ ໄປລົງທືນນັ້ນ ເຖີງຈະມີກໍມີເປັນສ່ວນນ້ອຍໆ ເທົ່ານັ້ນ”
ນັກວິຊາກາຣໄທຽ ທ່ານນີ້ໃຫ້ຄຳເຫັນເພີ່ມວ່າ: ສາເຫຕສຳຄັນ ທີ່ຊາວລາວ ບໍ່ນິຍົມໄປ ຫລີ້ນໃນກາຊີໂນດັ່ງກ່າວ ກໍຍ້ອນວ່າຣາຍໄດ້ ຂອງຄົນລາວໂດຽທົ່ວໄປ ແລ້ວບໍ່ສູງພຽງພໍ ທີ່ຈະນຳໄປຫລີ້ນ ໃນສະຖານຫລູຫລາເຊັ່ນນີ້ ສະນັ້ນ ຈື່ງມັກຈະນິຍົມກັນ ຫລີ້ນແຕ່ໄພ້ ກັບຊື້ສລາກຣັຖບາລ ແລະຫວຍໃຕ້ດິນ ທີ່ພົບເຫັນມີກາຣນິຍົມ ກັນຫລີ້ນຫລາຍທີ່ສຸດ. ສະເພາະ ຄວາມເຫັນສ່ວນຕົວ ຂອງກາຣສ້າງຕັ້ງກາຊີໂນນັ້ນ ນັກວິຊາກາຣໄທຽ ໄດ້ກ່າວກໍໃຫ້ທັສນະວ່າ:
(ສຽງ) "ຈະເຫັນໄດ້ຢ່າງງ່າຍໆ ຈາກກຸ່ມລູກຄ້າ ວ່າເປັນປະເພດໃດ ຖ້າຈະ ໃຫ້ເປັນລູກຄ້າ ພາຍໃນເອງ ນັ້ນຄົງຈະບໍ່ເໝາະສົມ ແລະເປັນໄປໄດ້ຍາກ ສະນັ້ນ ຕ້ອງໄດ້ອາສັຍແຕ່ລູກຄ້າ ຊາວຕ່າງປະເທດເທົ່ານັ້ນ ແລະ ໂດຽສະເພາະ ກໍແມ່ນທາງມາເລເຊັຽ ເປັນຜູ້ໄປລົງທຶນ”
ໃນປັຈຈຸບັນນີ້ ຢູ່ໃນປະເທດລາວ ມີກາຊີໂນ ທີ່ເປີດຢ່າງເປັນທາງກາຣ ແລ້ວນັ້ນມີຢູ່ 3 ແຫ່ງ ຊື່ງນອກຈາກຢູ່ເຂຕນ້ຳງື່ມ ນະຄອນຫລວງວຽງຈັນ ແລ້ວ ກໍມີຢູ່ແຂວງຫລວງ ນ້ຳທາ ແລະສວັນນະເຂຕ ແລະ ໃນອະນາຄົດ ກໍມີໂຄງກາຣ ທີ່ຈະສ້າງຂື້ນຢູ່ແຂວງ ຫລວງພຣະບາງ 1 ແຫ່ງ ແຂວງບໍ່ແກ້ວ 2 ແຫ່ງ ແລະແຂວງຈຳປາສັກ ອີກຕື່ມ 1 ແຫ່ງ.
ຫວາດ ສີມູນ ຣາຍງານ
ອ່ານຂ່າວເພີ້ມເຕີມ
- ແຂວງວຽງຈັນ ມີຜູ້ມາລົງທຶນ ໂຄງການກໍ່ສ້າງເຂື່ອນ ຫລາຍທີ່ສຸດ ແລະ ເຊື່ອໝັ້ນວ່າ ຈະສ້າງຣາຍໄດ້ ໃຫ້ກັບປະຊາຊົນ ແລະ ແຂວງ ຢ່າງຫລວງຫລາຍ
- ໂຄງການ ນາຮິໂກະ ກໍາລັງລໍຖ້າ ທຶນພັທນາ ເພື່ອໂຄສນາ ການເຝົ້າຣະວັງ ໂຣກໄຂ້ຫວັດນົກ ທີ່ແຜ່ຣະບາດ ໃນມະນຸດ ແລະ ຝູງສັດປີກ
- ການສ້າງ ສູນວັດແທກ ແຜ່ນດິນໃຫວ ໃນແຂວງຫລວງພະບາງ ແລະ ແຂວງບໍຣິຄຳໄຊ ຂອງລາວ
- ອົງການທ່ອງທ່ຽວ ແຫ່ງຊາດລາວ ຈັດເທສະການ ສະແດງຊ້າງພື້ນເມືອງ ຂື້ນເປັນຄັ້ງ ທີ ສອງ ຢູ່ທີ່ເມືອງປາກລາຍ ແຂວງໄຊຍະບຸຣີ
- ບໍຣິສັທສິງຄະໂປ ເຂົ້າມາລົງທຶນ ສົ່ງເສີມປູກຕົ້ນ ຢາສູບ ຢູ່ ແຂວງຫລວງພຣະບາງ
- ກາຣຂຍາຍປັບປຸງ ເສັ້ນທາງໝາຍເລຂ R3a ທາງພາຄເໜືອ ຂອງລາວເກືອບຈະສຳເລັດ
- ທາງກາຣໄທຍ ໃນແຕ່ລະແຂວງ ທີ່ມີຊາຍແດນຕິດກັບ ສປປລາວ ເຂັ້ມງວດ ດ້ານກາຣປ້ອງກັນ ໂຣຄໄຂ້ຫວັດນົກ
- ເຈົ້າໜ້າທີ່ກົມພາສີ ຂອງລາວ ຈະໄຊ້ເຄື່ອງ ສະແກນ ເພື່ອກວດຕູ້ ຄອນແຕນເນີ້ ສິນຄ້າຂະນາດໃຫ່ຽ
- ແຂວງຊຽງຂວາງ ມີນະໂຍບາຍ ດຶງດູດ ນັກລົງທຶນ ຂແນງລ້ຽງສັດ ໂດຍບໍ່ເກັບ ພາສີອາກອນ ເພື່ອກະຈາຍຣາຍໄດ້ ໃຫ້ປະຊາຊົນ ຢ່າງທົ່ວເຖິງກັນ
- ນັກລົງທຶນ ພວມພິຈາຣະນາ ເຖິງຄວາມເປັນໄປໄດ້ ໃນການປູກ ໝາກ ບລູເບີຣີ ໃນລາວ