ຜູ້ນໍາ ເອເຊັຍ ຈັດຕັ້ງ ເງິນສໍາຮອງ 80 ພັນລ້ານ
ບັນດາ ຜູ້ນຳເອເຊັຽ ຕາເວັນອອກ ຕົກລົງກັນ ນອກກອງປະຊຸມ ເອເຊັຽ ຢູໂຣບ ວ່າ ຈະສ້າງຕັ້ງ ກອງທືນ ຄ້ຳປະກັນ ເຫດວິກິດ ທາງດ້ານກນເງີນ ທີ່ອາດຈະເກີດຂື້ນ ໃນເອເຊັຽ ປະມານ 80 ພັນລ້ານໂດລາ ສຫາຣັຖ.
-
ຊິດນີ ຣາຍງານ
2008-10-24 -
-
-
ກຸ່ມຜູ້ນໍາ ປະເທດເອເຊັຍ ຕາເວັນອອກ ດັ່ງ ຈີນ ຍີ່ປຸນ ແລະ ເກົາຫລີໃຕ້ ໃນມື້ນີ້ ໄດ້ຕົກລົງກັນ ຈະສ້າງຕັ້ງ ກອງທືນ ສຳຮອງຂື້ນ ປະມານ 80 ພັນລ້ານໂດລາ ເພື່ອຕ້ານ ເຫດວິກິດ ທາງດ້ານເສຖກິດ ກ່ອນຈະມີ ກອງປະຊຸມ ສຸດຍອດ ກັບກຸ່ມປະເທດຢູໂຣບ.
ການຕົກລົງ ຣະຫວ່າງ ຜູ້ນຳ 3 ປະເທດ ດັ່ງກ່າວ ຮ່ວມກັບ ສະມາຊິກ ອາຊຽນ 10 ປະເທດ ເປັນບາດກ້າວ ທີ່ສຳຄັນ ໃນການຮ່ວມມື ແກ້ໄຂບັນຫາ ພາວະເສຖກິດ ທີ່ເກີດຂື້ນ ວ່າງເດືອນ ທີ່ຜ່ານມາ ໃນຫລາຍ ປະເທດ ໃນໂລກ. ກ່ຽວກັບເຣື້ອງ ດັ່ງກ່າວ ນັກວີຊາການ ທ່ານນຶ່ງ ເວົ້າວ່າ:
“ເອເຊັຽ ຢູໂຣບ ໄດ້ຜົລປໂຍດ ໃນກອງປະຊຸມນີ້ ໃນການແກ້ໄຂ ເຫດວິກິດ ທາງດ້ານການເງີນ ໂດຍສະເພາະ ກອງທືນ ຄ້ຳປະກັນ 80 ພັນລ້ານ ໂດລາ ໃນເອເຊັຽ.”
ໃນການປະກາດ ການຕົກ ທີ່ເອີ້ນກັນ ກອງທືນເພື່ອເອເຊັຽ ໂຄສົກ ຣັຖບານ ເກົາຫລີໃຕ້ ເວົ້າວ່າ ກຸ່ມສະມາຊິກ ເອເຊັຽ ຈາກ 13 ປະເທດ ໄດ້ສັນຍາ ທີ່ຈະເຮັດວຽກ ຮ່ວມກັນ ຢ່າງໃກ້ຊີດ ກ່ຽວກັບ ບັນຫາການເງີນ ໃນອະນາຄົດ. ທຸກຄົນ ປະຕິຍານ ວ່າ ຈະຊ່ອຍກັນ ຍົກຣະດັບ ສະຖາບັນ ການເງີນ ເອເຊັຽ ນະໂຍບາຍ ທາງດ້ານການເງີນ ເພື່ອຕ້ານ ບັນຫາເຫດວິກິດ ທີ່ອາດຈະເກີດຂື້ນ.
ກອງທືນເອເຊັຽ 80 ພັນລ້ານ ໂດລາ ຈະຕັ້ງຂື້ນ ໃນທ້າຍເດືອນ ມີຖຸນາ ປີຫນ້າ ປະກອບດ້ວຍ ອົງການ ບໍຣີຫານ ແລະ ຈັດການ ກ່ຽວກອງທຶນນີ້ ທີ່ຈະເປັນຄົນກາງ ທີ່ເປັນເອກຣາຊ ຈາກບໍຣີສັດ ການເງີນໃຫຍ່ໆ ຂອງເອເຊັຽ.