ສຳພາດ ທ່ານ ຕົງເຢີທໍ

ໂຄງການສົ່ງມົ້ງ ລາວແປດພັນ ກວ່າຄົນກັບຄືນ ປະເທດໃຫ້ທັນ ກັບກຳໜົດ ເວລາທີ່ທາງການ ສປປລາວ ແລະໄທ ຕົກລົງກັນໄວ້ ນັ້ນອາດບໍ່ແມ່ນ ເຣື້ອງງ່າຍເພາະນອກ ຈາກວ່າ ເປັນຈຳນວນ ຫລວງຫລາຍແລ້ວ ບໍ່ແມ່ນວ່າ ທຸກຄົນທີ່ຢູ່ ໃນສູນຊົ່ວຄາວ ບ້ານຫ້ວຍນ້ຳຂ່າວ ໃນແຂວງ ເພັດຊະບູນ ຂອງໄທແລະສູນ ກັກຂັງຂອງ ຕຳຣວດກວດ ຄົນເຂົາເມືອງໆ ໜອງຄາຍຂອງໄທ ຈະສມັກໃຈ ກັບຄືນງ່າຍໆ ຈຶ່ງເຮັດໃຫ້ເກີດ ມີກະແສຂ່າວ ຕ່າງໆອອກມາ ໃຫ້ຮັບຮູ້ຊຶ່ງ ສ່ວນຫລາຍກໍ່ຍິ່ງ ພາໃຫ້ເກີດຄວາມ ສັບສົນ ຍິ່ງຂຶ້ນ ຂ້າພະເຈົ້າຈຶ່ງ ໄດ້ຂໍສຳພາດ ທ່ານ ຕົງ ເຢີທໍ ຮອງປະທານ ແນວລາວສ້າງຊາຕ ຊຶ່ງເປັນນຶ່ງໃນ ຈຳນວນອົງການ ທີ່ຮັບຜິດຊອບ ບັນຫານີ້ໂດຍກົງ.

(ບົດສຳພາດ 14 ນາທີ)

ອ້າງອີງໃສ່ ປະສົບການ ຜ່ານມາ ຂ້າພະເຈົ້າ ຄິດວ່າ ມີຊ່ອງທາງໜ້ອຍ ເຕັມທີ ທີ່ຈະສາມາດ ສົ່ງຊາວມົ້ງລາວ ໃນໄທ ທີ່ເຫລືອທັງມົດ ປະມານ 5 ພັນຄົນກັບຄືນ ປະເທດ ໃຫ້ທັນຕາມ ໄລຍະເວລາ ທີ່ໄດ້ກຳໜົດໄວ້ ແຕ່ເຈົ້າໜ້າທີ່ ອາວຸໂສ ຂອງລາວອີກ ທ່ານນຶ່ງ ຊ້ຳພັດຢືນຢັນ ວ່າເປັນໄປໄດ້ ເບິ່ງແຕ່ການສົ່ງ ກັບຄັ້ງ ວັນພະຫັດ ທີ່ 25 ມິນາ ຜ່ານມາ ທີ່ເບື້ອງຕົ້ນ ມີພຽງ 70 ກວ່າຄົນ ທີ່ໄປຈົດຊື່ ສມັກໃຈກັບ ແຕ່ບາດຮອດຍາມ ໄປແທ້ໆ ຈຳນວນເພີ້ມຂຶ້ນເປັນ 400 ກວ່າຄົນ ວ່າດັ່ງນັ້ນ.