ລົງຄະແນນ ສຽງເລືອກຕັ້ງ ຫຼື ບໍ່ລົງ - ນັ້ນຄື ຄຳຖາມ ຂອງຊາວກັມພູຊາ
2022.06.04
ເຈົ້າຈະໄປເລືອກຕັ້ງ ຫຼືບໍ່ ຂ້ອຍກໍຊະນະຄືເກົ່າ
ແຕ້ມໂດຍ: Rebel Pepper/ RFA
ໃນຂະນະທີ່ ການເລືອກຕັ້ງ ໃນກັມພູຊາ ໃກ້ຈະມາເຖິງນີ້, ຊາວກັມພູຊາ ຫຼາຍໆຄົນ ພວມປະເຊີນກັບ ສະພາບການ ທີ່ກືນບໍ່ເຂົ້າຄາຍບໍ່ອອກ ວ່າ ຄວນເຂົ້າຮ່ວມ ຫຼືບໍ່. ການປາບປາມ ພົລເຮືອນ ແລະ ພື້ນທີ່ ທາງການເມືອງ ໂດຍພັກກຳອຳນາດຢູ່ນີ້ ເຮັດໃຫ້ ຜູ່ລົງຄະແນນສຽງ ມີທາງເລືອກໜ້ອຍຫຼາຍ ໃນການເລືອກຕັ້ງ ຈົນເຮັດໃຫ້ບາງຄົນ ເຫັນວ່າ ກັມພູຊາ ເປັນປະເທດ “ບໍຣິຫານ ແບບຜະເດັດການ.” ການງົດອອກສຽງ ເປັນການເສັຽໂອກາດ ເພື່ອປົດ ພັກປະຊາຊົນ ກັມພູຊາ ຂອງທ່ານ ຮຸ່ນ ເຊ່ນ ອອກຈາກທີ່ນັ່ງ, ແຕ່ວ່າ ການໄປປ່ອນບັດ ກໍເປັນການສ່ຽງ ໃນການເພີ່ມຄວາມຊອບທັມ ທີ່ຫຼາຍຄົນ ຄາດວ່າ ຈະເປັນການເລືອກຕັ້ງ ທີ່ໜ້າອັບອາຍ. ຢ່າງໃດກໍດີ, ພັກກຳອຳນາດ ພ້ອມທີ່ ຈະຊນະ ໃນການແຂ່ງຂັນ ໂດຍບໍ່ມີພັກຝ່າຍຄ້ານ ທີ່ຕໍ່ສູ້ໄດ້.