ເຄືອຂ່າຍພາກສັງຄົມໄທ ຕໍ່ຕ້ານ ເຂື່ອນປາກລາຍ
2018.08.24
ບ້ານຜາແກ້ວ ເມືອງປາກລາຍ ແຂວງ ໄຊຍະບູຣີ ເຂດຊາຍແດນຕໍ່ໃສ່ ແຂວງອຸດຕະລະດິດ ປະເທດໄທ
Screen captured from Paklai festival video
ອົງການອະນຸຮັກແມ່ນ້ຳຂອງ ຫລື Save The Mekong ໄດ້ອອກຖແລງການ ປະກາດຄັດຄ້ານ ຂັ້ນຕອນການປຶກສາຫາລືລ່ວງໜ້າ ຂອງໂຄງການ ເຂື່ອນປາກລາຍ ແຂວງໄຊຍະບູລີ ຊຶ່ງເປັນເຂື່ອນທີ 4 ທີ່ຈະສ້າງໃສ່ແມ່ນ້ຳຂອງ ໃນປະເທດລາວ. ດັ່ງ ທ່ານ ທິຣະພົງ ໂພນໝັ້ນ ຜູ້ອໍານວນການສະຖາບັນຊຸມຊົນ ແມ່ນ້ຳຂອງ ຫລື Mekong Community Institute ຊຶ່ງເປັນນຶ່ງ ໃນຜູ້ປະສານງານ ຂອງເຄືອຂ່າຍ ກຸ່ມອະນຸຮັກແມ່ນ້ຳຂອງ ໄດ້ກ່າວຕໍ່ເອເຊັຍເສຣີ ໃນວັນທີ 24 ສິງຫາ ວ່າ:
ຖະແຫລງການຄັດຄ້ານ ກັບຂະບວນການ ທີ່ຈະຮັບຟັງຄວາມຄິດເຫັນ ແລ້ວກໍຈະບໍ່ເຂົ້າຮ່ວມ ປົກກະຕິ ການກໍ່ສ້າງເຂື່ອນກໍຈະມີ ແຕ່ລະປະເທດ ຈະມີການປະຊຸມເພື່ອຮັບຟັງຄວາມຄິດເຫັນ ຈາກທ້ອງຖິ່ນ ເພື່ອຕາມຫລັກການ ກໍຄືວ່າ ເພື່ອຈະເອົາຄວາມຄິດເຫັນນັ້ນ ເຂົ້າໄປສະເໜີຕໍ່ຕາມລຳດັບຊັ້ນ ເອົາໄປປຶກສາຫາລືຂອງ 4 ປະເທດ ກໍຈະບໍ່ເຂົ້າຮ່ວມ ໃນກິຈກັມປຶກສາ ຂອງ MRC ຂອງຕາງໜ້າແຕ່ລະ ປະເທດນີ້ແຫລະ.
ທ່ານ ກ່າວຕື່ມອີກວ່າ ເຫດຜົນໃນການຄັດຄ້ານ ກໍເພື່ອຢັບຢັ້ງ ການສ້າງເຂື່ອນ ຢູ່ແມ່ນ້ຳຂອງ ແລະເຂື່ອນຕ່າງໆຢູ່ໃນ ປະເທດລາວ ຈະສົ່ງຜົນກະທົບຕໍ່ສິ່ງແວດລ້ອມ, ຣະບົບນິເວດວິທຍາ ແລະ ຊີວິດການເປັນຢູ່ ຂອງປະຊາຊົນທ້ອງຖິ່ນ ໂດຍສະເພາະ ເຂື່ອນດອນສະໂຮງ, ເຂື່ອນໄຊຍະບູລີ ແລະ ເຂື່ອນປາກແບງ.
ນອກຈາກນີ້ ຂັ້ນຕອນການປຶກສາຫາລືກັນລ່ວງໜ້າ ຂອງໂຄງການເຂື່ອນປາກລາຍ ຖືກຈັດຂຶ້ນຢ່າງເປັນທາງການ 1 ວັນ ຫລັງຈາກທາງການລາວ ປະກາດໂຈະການກໍ່ສ້າງ ເຂື່ອນໃນລາວ ພາຍຫລັງເຂື່ອນເຊປຽນແຕກ ໃນວັນທີ 23 ກໍຣະກະດາ. ປະເທດລາວ ມີແຜນຈະສ້າງເຂື່ອນ ໃສ່ແມ່ນ້ຳຂອງ 9 ແຫ່ງ ໃນຈຳນວນ 11 ເຂື່ອນ ໃນແມ່ນ້ຳຂອງ.