ຍັງບໍ່ພໍ້ ກ່ອງບັນທຶກຂໍ້ມູນ Black box

ກະແສນໍ້າໄຫລແຮງ ແລະຄວາມມືດຂຸ່ນຂອງແມ່ນໍ້າຂອງ ຈາກຣະດູພາຍຸມູນຊູນ ເຮັດໃຫ້ມະນຸດກົບ ຍັງບໍ່ຄົ້ນພົບຊິ້ນສ່ວນທີ່ສຳຄັນຂອງ ເຮືອ ບິນທີ່ຕົກໃນເຂດພາກໃຕ້ຂອງລາວ ໃນວັນທີ 16 ຕຸລາ ທີ່ເຮັດໃຫ້ຜູ້ໂດຍສານເສັຽຊິວິດ 49 ຄົນນັ້ນໄດ້ເທື່ອ. ໃນນັ້ນຮ່ວມດ້ວຍ ຄົນອອສເຕຣ ເລັຽ 6 ຄົນ ແລະຫລາຍຄົນຍັງຊອກບໍ່ເຫັນ.

ຫນ່ວຍກູ້ພັຍເວົ້າວ່າ ພວກຂະເຈົ້າຂາດອຸປກອນ ແລະປະສົພການໃນການຊອກຫາ ລຳໂຕຍົນທີ່ຕົກໃນມື້ນັ້ນ ໃຫ້ໄດ້ທັງຫມົດ ແລະກໍເຊື່ອວ່າຜູ້ ເຄາະຮ້າຍຈາກ 10 ປະເທດນັ້ນ ຊາກສົບອາຈຍັງຕິດຄ້າງຢູ່ນໍາ ພາກສ່ວນທີ່ຍັງຊອກບໍ່ເຫັນນັ້ນ. ກອງທັບອາກາດໄທໄດ້ສົ່ງເຮືອບີນ C-130 ທີ່ປະກອບດ້ວຍເຄື່ອງອຸປກອນ ທີ່ທັນສມັຍ ແລະນັກຊ່ຽວຊານໃນການຊອກຄົ້ນຫາຊາກເຄື່ອງບິນຕົກ ແລະນັກຊ່ຽວຊານຈາກປະເທດຝຣັ່ງເສດ ກໍໄດ້ເດິີນທາງມາຮອດ ບ່ອນທີ່ເກີດເຫດແລ້ວ ທີ່ໃກ້ກັບເມືອງປາກເຊ ພ້ອມທັງທາງການອອສເຕຣເລັຽ ກໍໄດ້ສົ່ງເຈົ້າຫນ້າທີ່ ຕຳຣວດຈາກ ຫນ່ວຍພິສູດສົບ ຂອງຄົນອອສເຕເຣັຽທີ່ເສັຽຊິວິດ.

ຕາມຂໍ້ມູນທີ່ໄດ້ມາ ຄວາມພຍາຍາມໃນການຊອກຫາພາກສ່ວນທີ່ສຳຄັນຂອງເຮືອບິນຍັງບໍ່ປະສົບຜົລສຳເຣັດ ແລະກ່ອງບັນທຶກຂໍ້ມູນຂອງຖ້ຽວ ບິນ (Black box) ທີ່ຈະໃຫ້ລາຍລະອຽດ ເຖິງເຫດການທຸກຢ່າງ ທີ່ຕິດຢູ່ຫາງເຮືອບິນນັ້ນ  ຍັງບໍ່ທັນ ພົບເຫັນເທື່ອ. ໃນມື້ວັນອາທິດ ໂຊນາ ຂອງຫນ່ວຍກູ້ພັຍ ໄດ້ສົ່ງສັນຍານຈາກພື້ນນໍ້າຄາດວ່າ ຈະເປັນຊິ້ນສ່ວນ ຂອງເຮືອບິນທີ່ Black box ບັນຈຸຢູ່.