ຄວາມຄືບໜ້າຂອງຍົນຕົກ ຢູ່ເຂດ ປາກເຊ

ການຊອກຄົ້ນຫາສົບຜູ້ເສັຍຊີວິດ ຈາກອຸບັດຕິເຫດຍົນຂອງສາຍການ ບິນລາວ ຕົກລົງນໍ້າຂອງ ໃນເຂດເມືອງໂພນທອງ ແຂວງຈໍາປາສັກ ວັນທີ 16 ຕຸລາ 2013 ທີ່ເຮັດໃຫ້ຄົນເສັຍຊີວິດທັງໝົດ 49 ຄົນນັ້ນ ມາຮອດປັດຈຸບັນນີ້ ໜ່ວຍກູ້ພັຍ ຄົ້ນຫາໄດ້ 47 ສົບ ແລະຊິ້ນສ່ວນ ຂອງຜູ້ເສັຍຊີວິດອີກ 34 ຊິ້ນ ແລະທັງຣະບຸສົບໄດ້ 44 ສົບ ດັ່ງເຈົ້າ ໜ້າທີ່ກ່ຽວຂ້ອງຂອງລາວທ່ານນຶ່ງເວົ້າວ່າ:

"ສໍາລັບການຊອກຄົ້ນສົບຫັ້ນນະໄດ້ 47 ກໍຣະນີ ເປັນຮ່າງສົບ ແລ້ວ ກໍ 34 ຊິ້ນສ່ວນຫັ້ນແຫລະ ສັລສູດ ຢັ້ງຢືນແລ້ວ 44".

ທ່່ານວ່າສໍາລັບຜູ້ເສັຍຊີວິດອີກ 2 ຄົນ ທີ່ຍັງບໍ່ທັນພົບສົບນັ້ນຄາດວ່າ ຊິ້ນສ່ວນຂອງຮ່າງກາຍ ອາຈຈະຢູ່ໃນຈໍານວນ 34 ຊິ້ນສ່ວນ ທີ່ຊອກ ຄົ້ນມາໄດ້ນັ້ນ ກ່ອນຈະຮູ້ ກໍຕ້ອງໄດ້ໃຊ້ເວລາ ສັລສູດອີກພໍສົມຄວນ. ສົບສ່ວນຫລາຍ ກໍໄດ້ມອບໃຫ້ ທາງຍາດພີ່ນ້ອງ ນໍາໄປຊາປະນະກິຈ ຕາມປະເພນີແລ້ວ ແລະ ທັງຍັງໄດ້ປະກາດ ໃຫ້ປະຊາຊົນ ທີ່ຢູ່ຕາມ ແຄມຂອງ ຊ່ວຍກັນຊອກຫາ ຊິ້ນສ່ວນ ຂອງຜູ້ທີ່ເສັຍຊີວິດ ຊຶ່ງອາຈ ໄຫລມາຕິດຝັ່ງ. ຫາກພົບເຫັນກໍຂໍໃຫ້ ແຈ້ງເຈົ້າໜ້າທີ່ໂດຍດ່ວນ.