ຈີນ ຂໍປູກກ້ວຍ ຢູ່ເມືອງຊະນະສົມບູນ: ຈົດໝາຍ ຈາກຜູ້ຟັງ
2023.07.10
ອ່ານຈົດໝາຍ, ຄວາມຄຶດຄວາມເຫັນ ຂອງທ່ານ ສູ່ກັນຟັງ ເພື່ອເຜີຍແຜ່ ທັສນະ, ແນວຄິດ ທີ່ສ້າງສັນ, ແບ່ງປັນ ຄວາມຮູ້ ສູ່ກັນຟັງ.
ຄວາມຄຶດຄວາມເຫັນ ກ່ຽວກັບຂ່າວ ຈີນ ຂໍປູກກ້ວຍ ຢູ່ເມືອງຊະນະສົມບູນ ແຂວງຈຳປາສັກ, ຕຳຣວດໄທຍ ຈັບຜູ້ຖືກກ່າວຫາ ປຸ້ນຮ້ານຄຳ, ແຂວງບໍ່ແກ້ວ ນໍາເຂົ້າສິນຄ້າກະເສດ ຈາກຕ່າງປະເທດ ປະມານ 70% ແລະ ຂ່າວອື່ນໆ.
ຄວາມເຫັນບາງຕອນ ຈາກທ່ານຜູ້ຟັງ:
ກ່ຽວກັບຂ່າວ “ຈີນ ຂໍປູກກ້ວຍ ຢູ່ເມືອງຊະນະສົມບູນ ແຂວງຈຳປາສັກ”
“ຈີນໄດ້ຂະຫຍາຍການລົງທຶນດ້ານກະສິກຳ ລົງສູ່ພາກໃຕ້ແລ້ວ ແຕ່ການລົງທຶນ ຂອງຈີນ ບໍ່ເຫັນປະຊາຊົນ ໄດ້ຮັບຊີວິດການເປັນຢູ່ທີ່ດິຂຶ້ນພໍເທົ່າໃດ ແລະ ພາກລັດ ໄດ້ຮັບຜົນກຳໄລ ພໍເທົ່າໃດ ຖ້າເຫັນ ກໍ່ມີພຽງແຕ່ ເຈົ້າຫນ້າທີ່ ບາງຄົນ ທີ່ເຫັນແກ່ຕົວ ເອົາຜົນປະໂຫຍດ ຈາກປະຊາຊົນແລະປະເທດຊາດເທົ່ານັ້ນ. ເຖິງແມ່ນວ່າ ຈະອອກກົດລະບຽບ ຄຸ້ມຄອງການໃຊ້ສານເຄມີກໍຕາມ ແຕ່ກໍ່ຍັງປະກົດ ເຫັນສານເຄມີໃຊ້ຢ່າງຖົມເຖໄປ ດັ່ງເຫັນໄດ້ ທີ່ມີຄົນສວນໄດ້ຮັບຜົນກະທົບ ແລະ ປາໃນແມ່ນ້ຳ ກໍ່ຕາຍ ແລະ ຜູ້ຄົນ ກໍ່ບໍ່ສາມາດ ໃຊ້ນ້ຳໄດ້. ດັ່ງນັ້ນ ຢາກໃຫ້ພາກລັດ ຕ້ອງເອົາໃຈໃສ່ຕື່ມ ໃນການຄວບຄຸມ ການໃຊ້ສານເຄມີ ຖ້າຫາກວ່າ ຍັງເດີນຫນ້າ ໃຫ້ຈີນ ເຂົ້າມາລົງທຶນ ດ້ານກະສິກຳ ໃນປະເທດລາວເຮົາ.”
…
(ເຊີນທ່ານ ຟັງຣາຍລະອຽດ ຈາກສຽງບັນທຶກໄວ້)
ໝາຍເຫດ: ຄວາມຄິດຄວາມເຫັນ ຂອງຜູ່ອ່ານ ທີ່ສະແດງອອກ ໃນເວັບໄຊທ໌ ແລະ ເຟສບຸກຄ໌ ຂອງວິທຍຸ ເອເຊັຽ ເສຣີ, ພວກເຮົາ ທິມງານ ວິທຍຸເອເຊັຽເສຣີ ໃຫ້ຄວາມສຳຄັນ ແລະ ຂອບໃຈ ນຳທຸກໆຖ້ອຍຄຳ, ແລະ ມີໜ້າທີ່ ນຳມາອ່ານໃຫ້ທ່ານ ໄດ້ຮັບຟັງກັນ ແລະ ບໍ່ໄດ້ເສກສັນປັ້ນແຕ່ງໃດໆ, ມີພຽງແຕ່ ປ່ຽນຄຳສັພ ທີ່ບໍ່ສຸພາບ ໃຫ້ເບົາລົງ ເທົ່ານັ້ນ. ດັ່ງນັ້ນ ຂໍໃຫ້ທ່ານຜູ່ຟັງ ຈົ່ງຕັດສິນໃຈເອົາເອງ ວ່າ ຄວາມຄິດເຫັນນັ້ນ ເປັນໜ້າເຊື່ອຖື ແລະ ຄວາມຈິງ ຫລາຍ-ໜ້ອຍ ປານໃດ. ພ້ອມດຽວກັນນັ້ນ, ພວກເຮົາ ຍັງໄດ້ຮັກສາ ການສະກົດຄຳສັພ ສ່ວນຫຼາຍ ເອົາໄວ້ ເພື່ອບໍ່ໃຫ້ ຄວາມໝາຍປ່ຽນໄປຫຼາຍ. ຂອບໃຈ!