ຄວາມຄຶດຄວາມເຫັນ ກ່ຽວກັບຂ່າວ ນັກເຄື່ອນໄຫວ ທາງດ້ານ ປະຊາທິປະໄຕ ຖືກຈັບ ຫຼັງຈາກມາຢາມບ້ານ, ຣັຖບານລາວ ມອບສັນຊາຕລາວ ໃຫ້ແກ່ ຄົນວຽດນາມ 119 ຄົນ ຢູ່ເມືອງແອດ ແຂວງຫົວພັນ, ນັກລົງທຶນຈີນ ຢູ່ເມືອງ ເຊໂປນ ແຂວງ ສວັນນະເຂດ ຕ້ອງການ ທີ່ດິນ ເປັນຈຳນວນຫຼາຍ ເພື່ອປູກຕົ້ນວິກ ແລະ ຂ່າວອື່ນໆ.
ຄວາມເຫັນບາງຕອນ ຈາກທ່ານຜູ້ຟັງ:
ກ່ຽວກັບຂ່າວ " ນາຍບ້ານ ບ້ານທົ່ງນາມີ ເມືອງປາກກະດິງ ຖືກຍິງເສັ ຽ ຊີວິດ "
" ສະພາບການ ບ້ານເຮົາ ໃນທຸກມື້ນີ້ ຍິ່ງເປັນຕາຢ້ານ ການລອກຂ້າກັນ ເກີດຂຶ້ນແບບງ່າຍໆແບບນີ້ ເຮັດໃຫ້ຊີວິດຄົນເຮົາ ຄືບໍ່ມີຄຸນຄ່າເລີຍ ແຕ່ຜູ້ຮ້າຍຍັງລອຍນວນຢູ່. ທາງເຈົ້າຫນ້າທີ່ ກໍ່ເຮັດຫຍັງບໍ່ໄດ້ ເຮັດໃຫ້ບ້ານເຮົາ ກາຍເປັນບ້ານປ່າເມືອງເຖື່ອນ. ປືນກໍ່ຫາຊື້ງ່າຍແທ້ໆ ໂດຍບໍ່ມີການກວດສອບ ແລະ ຫ້າມພົກປືນ ຢ່າງຈິງຈັງ ຈາກເຈົ້າຫນ້າທີ່ ກ່ຽວຂ້ອງ ເຊິ່ງເຫັນໄດ້ເລີຍ ຖ້າຫາກວ່າ ນັກທຸລະກິດ ຜູ້ມີເງິນ ຢາກຄອບຄອງປືນ ກໍ່ພຽງແຕ່ ຈ່າຍເງິນ ໃຫ້ຕຳຫລວດ ກໍ່ໄດ້ແລ້ວ. ຜູ້ໃດມີເງິນ ຢາກຈ້າງ ສັງຫານ ຄູ່ກໍລະນີ ຫລື ສັດຕູ ກໍໄດ້ແລ້ວ. ດັ່ງນັ້ນ ເລື້ອງນີ້ ຢາກໃຫ້ເຈົ້າຫນ້າທີ່ກ່ຽວຂ້ອງ ເຂັ້ມງວດຂຶ້ນຕື່ມ. "
…
( ເຊີນທ່ານ ຟັງຣາຍລະອຽດ ຈາກສຽງບັນທຶກໄວ້)
ໝາຍເຫດ: ຄວາມຄິດຄວາມເຫັນ ຂອງຜູ່ອ່ານ ທີ່ສະແດງອອກ ໃນເວັບໄຊທ໌ ແລະ ເຟສບຸກຄ໌ ຂອງວິທຍຸ ເອເຊັຽ ເສຣີ, ພວກເຮົາ ທິມງານ ວິທຍຸເອເຊັຽເສຣີ ໃຫ້ຄວາມສຳຄັນ ແລະ ຂອບໃຈ ນຳທຸກໆຖ້ອຍຄຳ, ແລະ ມີໜ້າທີ່ ນຳມາອ່ານໃຫ້ທ່ານ ໄດ້ຮັບຟັງກັນ ແລະ ບໍ່ໄດ້ເສກສັນປັ້ນແຕ່ງໃດໆ, ມີພຽງແຕ່ ປ່ຽນຄຳສັພ ທີ່ບໍ່ສຸພາບ ໃຫ້ເບົາລົງ ເທົ່ານັ້ນ. ດັ່ງນັ້ນ ຂໍໃຫ້ທ່ານຜູ່ຟັງ ຈົ່ງຕັດສິນໃຈເອົາເອງ ວ່າ ຄວາມຄິດເຫັນນັ້ນ ເປັນໜ້າເຊື່ອຖື ແລະ ຄວາມຈິງ ຫລາຍ-ໜ້ອຍ ປານໃດ. ພ້ອມດຽວກັນນັ້ນ, ພວກເຮົາ ຍັງໄດ້ຮັກສາ ການສະກົດຄຳສັພ ສ່ວນຫຼາຍ ເອົາໄວ້ ເພື່ອບໍ່ໃຫ້ ຄວາມໝາຍປ່ຽນໄປຫຼາຍ. ຂອບໃຈ!