ຄົນງານລາວຢູ່ສູນກັກກັນ ຂອງໄທ

• ອຸ່ນແກ້ວ ສຸກສະຫວັນ
  2017-12-01

ຄົນລາວ ຈາກແຂວງພາກໃຕ້ ເປັນຕົ້ນ ແຂວງຈຳປາສັກ ແລະແຂວງສາລະວັນ ທີ່ຂ້າມມາເຮັດວຽກຢູ່ໄທ ແບບບໍ່ມີໃບ ອະນຸຍາດ ຍັງຄົງ ເຂົ້າສູນກັກກັນແຮງງານ ຂອງກອງຕຳຣວດ ຊາຍແດນ ເມືອງ ພິບູນມັງສາຫານ ແຂວງອຸບົນ ຣາຊທານີ ຢ່າງຕໍ່ເນື່ອງ.

ສະເພາະ 3 ເດືອນມານີ້ມີຄົນງານລາວ ເຂົ້າສູນ ເພື່ອລໍຖ້າໃຫ້ເຈົ້າໜ້າທີ່ໄທສົ່ງກັບ ມີຈຳນວນປະມານ 10 ຄົນ ຕໍ່ມື້, ດັ່ງເຈົ້າໜ້າທີ່ປະຈຳ ດ່ານກັກກັນແຮງງານຕ່າງດ້າວ ຂອງກອງຕຳຣວດ ຕະເວນຊາຍແດນ ເມືອງບູນມັງສາຫານ ໄດ້ກ່າວໃນວັນທີ່ 30 ພຶສຈິກາ ວ່າ:

"ກໍຄືຕອນນີ້ໃນສ່ວນ ໃນຫ້ອງກັກ ສ່ວນໃຫຍ່ກໍຄືຂະເຈົ້າຈະ ເດີນທາງກັບເພື່ອໄປເຮັດບັດ ເພາະວ່ານາຍຈ້າງຂະເຈົ້າບອກວ່າ ໃຫ້ກັບໄປ ເຮັດບັດ ໃຫ້ຖືກຕ້ອງແລ້ວກັບເຂົ້າມາໃຫມ່ ແລ້ວເຂົາຈະພາໄປ ຂຶ້ນທະບຽນແຮງງານຕາມ MOU  ວັນນຶ່ງປະມານ 10 ກວ່າຄົນ.”

ທ່ານ ອະທິບາຍວ່າຄົນລາວ ທີ່ເຂົ້າມາຢູ່ສູນກັກກັນນັ້ນ ມີທັງກຸ່ມທີ່ເດີນທາງມາເອງ ແລະ ຜູ້ທີ່ຖືກຕຳຣວດໄທຈັບສົ່ງໂຕກັບມາ.