ເມື່ອພຣະເຈົ້າຟ້າງຸ່ມ ຍົກທັພເຂົ້າຕີ ເມືອງວຽງຄໍາ ໄດ້ສໍາເຣັຈແລ້ວ ກໍສະເດັຈ ຕ່າວມາຍັງ ນະຄອນວຽງຈັນທນ໌, ຄາວນີ້ ກໍມີກາຣ ສລອງໄຊຊນະ ພໍສົມຄວນ ເພື່ອໃຫ້ ກໍາລັງໃຈ ນາຍ ແລະ ພົລທະຫາຣ. ເຖີງແມ່ນວ່າ ພຣະອົງຄ໌ຈະໄດ້ ຜາບຫົວເມືອງຕ່າງໆ ມາໄດ້ຫລາຍ ແລ້ວກໍຕາມ, ແຕ່ກໍຍັງ ມີອີກຫລາຍ ຫົວເມືອງ ທີ່ຍັງບໍ່ທັນມາ ສວາມິພັກ ອ່ອນນ້ອມໂດຍດີ ດັ່ງນັ້ນ, ພຣະຣາຊພາຣະກິຈ ໃນກາຣທ້ອນໂຮມ ປະເທສຊາຕ ຈຶ່ງຍັງເປັນ ບັນຫາ ຂວາງໜ້າ ຢູ່ຫລາຍ.