ໃນສັປດາ ທີ່ຜ່ານມາ ຂ້າພະເຈົ້າ ໄດ້ກ່າວເຖີງ ກາຣຍົກທັພ ຂອງ ເຈົ້າຟ້າງຸ່ມ ຈາກປະເທສ ຂເມຣ ເຂົ້າມາຍັງ ປະເທສລາວ ຍ້ອນຄວາມເກັ່ງກ້າ ສາມາດ ຮອບດ້ານ ຄືຮູ້ຈັກ ພູມິປະເທສ ຮູ້ຈັກກຳລັງ ຂອງສັຕຣູ ຮູ້ຈັກຄົນ ທ້ອງຖິ່ນ ແລະ ຮູ້ຈັກກໍາລັງຕົນ ພຣະອົງ ຈຶ່ງສາມາດ ເຂົ້າຕີບ່ອນໃດ ຊນະບ່ອນຫັ້ນ. ເມື່ອຊນະແລ້ວ ກໍບໍ່ໄດ້ ທໍາລາຍຄົນ ບໍ່ໄດ້ທໍາລາຍ ຊັພສົມບັຕ ຂອງບ້ານເມືອງ ບໍ່ເໝືອນກັບ ກາຣຊນະ ສົງຄາມ ຂອງລູກຫລານ ອ້າຍລາວ ໃນຍຸຄ ປັຈຈຸບັນ ແລະ ບໍ່ເໝືອນສົງຄາມ ທີ່ຕ່າງຊາຕ ມາຣຸກຣານລາວ ຊື່ງເປັນກາຣ ຣຸກຣານ ແບບປຸ້ນ ສະດົມລາວ ລູກຫລານ ຂອງ ພຣະເຈົ້າຟ້າງຸ່ມ ດັ່ງທ່ານ ຈະໄດ້ຮັບຟັງ ໃນຂັ້ນຕໍ່ໄປ.