အမှိုက်တစ်ပိဿာ ငွေကျပ်တစ်ရာ

သဘာဝပတ်ဝန်းကျင်ထိန်းသိမ်းရေး လှုပ်ရှားတဲ့ အဖွဲ့တစ်ဖွဲ့ဖြစ်တဲ့ “သန့်မြန်မာ”အဖွဲ့က ရန်ကုန်တိုင်း တောင်ဒဂုံမြို့နယ်က ရပ်ကွက်တွေ လမ်းတွေမှာ အမှိုက်တစ်ပိဿာ တစ်ရာကျပ်နဲ့ ဝယ်ယူနေတာ ဖြစ်ပါတယ်။

အမှိုက်ကောက်ဖို့ စည်းရုံးတဲ့အခါမှာ လူစိတ်ဝင်စားမှုပြီး ပူးပေါင်းပါဝင်လိုစိတ်မရှိတာကြောင့် အခုလို ပိုက်ဆံပေး အမှိုက်ဝယ်တဲ့ အစီအစဉ်နဲ့ လူစိတ်ဝင်စားအောင် လုပ်တာလို့ ဆိုပါတယ်။

လုပ်အားခပေး အမှိုက်ကောက်တဲ့အစီအစဉ်က ပတ်ဝန်းကျင်လည်းသန့်ရှင်းပြီး စားဝတ်နေရေးအတွက်လည်း အဆင်ပြေတယ်လို့ ပြောပါတယ်။

စည်ပင်သာယာရဲ့ အမှိုက်သိမ်းဆည်းစနစ် မရှိတဲ့နေရာတွေမှာ အမှိုက်ဝယ်ခဲ့တာဖြစ်ပြီး ဆွေးမြေ့ဖို့ခက်ခဲတဲ့ ပလပ်စတစ်နဲ့ ကြွတ်ကြွတ်အိတ်တွေကို အဓိကထားပြီး ဝယ်ယူတာပါ။

“သန့်မြန်မာ” အဖွဲ့ဟာ ၂၀၂၂ ခုနှစ်ကလည်း အင်းစိန်၊ ရွှေပြည်သာနဲ့ ဒလမြို့နယ် သုံးမြို့နယ်မှာ အမှိုက်တွေ ဝယ်ခဲ့ပါတယ်။