ကုန်ကျစရိတ် ပိုများလာတဲ့ နွေစပါး

• RFA Burmese
  2024-02-23

ရန်ကုန်တိုင်း သန်လျင်မြို့နယ်မှာ နွေစပါးစိုက်ခင်းတွေနဲ့ ရိတ်သိမ်းနေတဲ့ တောင်သူတွေကို ဖေဖော်ဝါရီလ ၂၂ ရက်နေ့က မြင်တွေ့ရတာပါ။

အခုနှစ်ရာသီအတွက် ပထမဆုံးမှည့်တဲ့ စပါးတွေကို တောင်သူတွေ စတင်ရိတ်သိမ်းနေကြတာလည်း ဖြစ်ပါတယ်။

ဒီနှစ် စပါးဈေးက တင်းတစ်ရာကို ကျပ်သိန်းနှစ်ဆယ်အထက်ရှိပေမယ့် နွေစပါး စစိုက်ချိန်က စက်သုံးဆီဈေး၊ တစ်ပတ်တစ်ကြိမ် ရေသွင်းစရိတ်၊ ဓာတ်မြေဩဇာနဲ့ ပိုးသတ်ဆေးစရိတ်တွေက အရင်နှစ်တွေကထက် မြင့်တက်နေတာကြောင့် စားဖို့အတွက်လောက်သာ ဖူလုံတယ်လို့ တောင်သူတွေက ပြောပါတယ်။

သန်လျင်မြို့နယ်မှာ တောင်သူတွေအနေနဲ့ ရက်တို၊ ထွန်ပု၊ ရက်ကိုးဆယ်၊ ဘာစမာတီဆန် စတာတွေကို အများဆုံး စိုက်ပျိုးကြပါတယ်။