၂ဝ၂၂ သင်္ကြန်အကျနေ့ မြင်ကွင်းများ

၂ဝ၂၂ ခုနှစ် ဧပြီလ ၁၄ ရက် သင်္ကြန်အကျနေ့က ရန်ကုန်မြို့လယ်တွင် စောင့်ကြပ်နေသော စစ်ကောင်စီတပ်သားတချို့။

၂ဝ၂၂ ခုနှစ် သင်္ကြန်အကျနေ့ ရန်ကုန်နဲ့ နေပြည်တော်တစ်ဝိုက်က မြင်ကွင်းတွေ ဖြစ်ပါတယ်။

သင်္ကြန်အကျနေ့မှာ ရန်ကုန်မြို့ထဲက စစ်ကောင်စီရဲ့ မဏ္ဍပ်တွေ အနီးတစ်ဝိုက်မှာတင်မကဘဲ လမ်းမတွေပေါ်မှာပါ လုံခြုံရေးတင်းကျပ်ပြီး စစ်ဆေးမေးမြန်းတာတွေ ပိုများလာပါတယ်။ ရန်ကုန်မြို့မှာ စစ်ကောင်စီက စီစဉ်ထားတဲ့ ရေကစားမဏ္ဍပ်ကလွဲပြီး အခြားနေရာတွေမှာ ရေကစားတာ လုံး၀ မတွေ့ရပါဘူး။

စစ်ကောင်စီက လုံခြုံရေးတင်းကျပ်ပြီး သင်္ကြန်ပွဲကျင်းပနေပေမယ့် မြို့နယ်အတော်များများမှာတော့ ရေထွက်ကစားသူ မရှိသလောက် နည်းပါးနေပါတယ်။

သက်ဆိုင်ရာ မြို့နယ်အလိုက် ရပ်ကွက်တွေထဲမှာလည်း သင်္ကြန်တွင်း ကုသိုလ်ကောင်းမှုပြု ဆွမ်းလောင်းတာ၊ စတုဒိသာ ကျွေးမွေးကြတာတွေနဲ့ သင်္ကြန်အကျနေ့ကို ဖြတ်သန်းနေကြတာ တွေ့ရပါတယ်။

စစ်ကောင်စီရဲ့ နှစ်ကူးသင်္ကြန်ကို သပိတ်မှောက်ပြီး တော်လှန်သင်္ကြန်အဖြစ် ပြည်သူတွေက ဆန့်ကျင်သပိတ်မှောက်နေကြတာလည်း ဖြစ်ပါတယ်။