မုန်တိုင်းကြောင့် ပျက်စီးသွားတဲ့ စစ်တွေမြို့ပေါ်ဒုက္ခသည်စခန်းမှာ အကူအညီလိုအပ်နေ
ရခိုင်ပြည်နယ် စစ်တွေမြို့ပေါ်မှာရှိတဲ့ ဝိဘဇ္ဇဝါဒီ စစ်ဘေးဒုက္ခသည်စခန်းမှာ မေလ ၁၄ ရက်နေ့က မိုခါမုန်တိုင်းကြောင့် စခန်းတစ်ခုလုံးပျက်စီးသွားပြီး အကူအညီတွေ လိုအပ်နေပါတယ်။
-
RFA Burmese
2023-06-09 -
-
-
ရခိုင်ပြည်နယ် စစ်တွေမြို့ပေါ်မှာရှိတဲ့ ဝိဘဇ္ဇဝါဒီ စစ်ဘေးဒုက္ခသည်စခန်းမှာ မေလ ၁၄ ရက်နေ့က မိုခါမုန်တိုင်းကြောင့် စခန်းတစ်ခုလုံးပျက်စီးသွားပြီး အကူအညီတွေ လိုအပ်နေပါတယ်။
လက်ရှိမှာတော့ ပြိုပျက်သွားတဲ့ အဆောင်တွေက သစ်ဝါးတွေနဲ့ တာပေါ်လင်မိုးပြီး ဖြစ်သလို နေထိုင်နေကြရတာပါ။ စားရေးသောက်ရေးကလည်း ခက်ခဲနေတာကြောင့် အကူအညီတွေ လိုအပ်နေတယ်လို့ ဒုက္ခသည်တွေက RFA ကိုပြောပါတယ်။
အဲဒီ ဝိဘဇ္ဇဝါဒီ စစ်ဘေးဒုက္ခသည်စခန်းမှာ အိမ်ထောင်စု ၁၀၀ ကျော်၊ လူဦးရေ ၅၀၀ ကျော်ရှိပါတယ်။
သူတို့ဟာ စစ်ကောင်စီတပ်နဲ့ ရက္ခိုင့်တပ်တော် (AA) တို့ ပထမအကြိမ်တိုက်ပွဲကာလ ၂၀၁၉ ခုနှစ်ကတည်းက အဲဒီဒုက္ခသည်စခန်းမှာ ခိုလှုံနေကြတာဖြစ်ပါတယ်။